雖然發少避左過年前做手術嘅第一關 , 但阿娘內心仍有暗湧 !
第一 , 發少食野好飄忽 , 胃口時好時壞 , 今朝早餐 3 種配方糧 , Almo , 便便罐 , Curious 都品神唔食 ! 模頭仔讚乖 , 但碗洗完又洗 , 係咁換糧 , 但 .....
第二大熱天時 , Curious 仍好需要暖爐 , 企直個身吹痛果個位 , 直至舒緩左才瞓低 , 表示個膽仍發炎 , 未好得哂 , 難怪 Dr. Mak 咁想攞走發少個膽 ?
乪左一輪攪足半粒鐘 , 乜野睡意都走哂 , 終於開暖爐 , 香薰 Curious 先食得幾粒 ! 阿娘唔想用開胃丸谷佢 , 因為食得多會嘔 , 止痛藥又會呆呆滯滯 ......
而家寫緊 blog , 發少突然走上電腦 , 又想食 , 即刻停手 .....
重新又將 d 糧試俾 Curious 食 , 又係食幾粒 , Biscuit 就唔停咁執口水尾 ! Curious , 你咁攪法 , 過左正月 15 , 阿娘真係會擇吉日攞走你個膽 ! 天下父母心 , 對你巳盡最細微嘅照顧 , 仲想我點呀大哥 !
真係好驚貓貓無胃ロ.
回覆刪除發少乖喇,食多少少, 唔使阿娘咁擔心.
係咪搵多個 vet 既意見好呢?
回覆刪除9 lives 既 Dr Maggie 係一個好細心既vet,
價錢雖然貴D, 但係新年咁多假期, 求個安心啫
http://www.9lives.com.hk/chi/about_us.html
真係好難決擇，又唔想佢捱一刀，但見佢又舒服
回覆刪除食緊藥, 人都冇乜胃口啦...唔好見發少胃口唔好, 就想埋d無謂野啦....要比時間發少慢慢recover.
回覆刪除因為最終受苦的是貓咪呀....要三思, 三思.....
靜觀其變，細心留意，才作適當决定，不宜操之過急。
回覆刪除Curious 年紀已大，恢復是緩慢的了，而且病情時有反覆，會有少食多餐的情况出現。
要為牠保暖，以防着涼感冒，導至併發症，Curious 是等同老人家身體一樣喔。
為你和 Curious 打氣！