正宗爛瞓貓

Biscuit： 2008 年即將結束，等餅餅整個壓續表演，娛樂大家！掂嘅話俾多 2 吓掌聲！

今日示範餅餅首本名劇 ---- 爛瞓貓。

Biscuit：要成功演化成爛瞓貓，一定要夠賴皮，好似禾咁一口氣瞓哂 2 張暖床！

Biscuit：身形都要配合，尤其係肥美嘅貓脾！睇得唔夠清楚？嚟個 close up 又如何？

Biscuit 將 2 張床壓到變哂形！抵俾分啦！瞓到咁！

 2009 年，祝各位嘅荷包，好似餅餅咁好肉地，日日腰纏萬貫！

瞓到打交

Curious 半夢半醒個樣好得意，仲打左個呵欠！

123

發少無牌架駛

Curious：d 派對禮物，唔知貓地鍾唔鍾意呢？

Biscuit：吓，唔知喎？

Curious：冒住生命危險，無牌架駛出街買架！

Curious：先去寵物店，親自揀零食、罐罐！

Curious：再去家用品店，想左好耐，決定買暖包！

Curious：順便落埋公園睇夜景！

Curious：攪到私家車變購物車！

Curious：唉好倦要眠一眠先！

Biscuit： 第一次出車，係得人驚 d ，明白嘅！

聖誕快樂

Curious n Biscuit ，祝大家想果樣得果樣，日日都係聖誕快樂！

Ps：記得 26th 2:30 to 4:30 pm 嘅派對

發少做車主

終於有機會偷走出舖頭，直去九展 Petmax 買聖誕禮物，睇下 2 位少爺鍾唔鍾意？

Biscuit 之前張暖版係旺角買，所以配唔番張暖床。今次係 Petmax 搵得到！

 Curious 少爺乜都有，真係好難買禮物俾佢！

想左好耐，呢件禮物應該啱 Curious！一向少爺發出街，係用手挽籠，好鬼搖擺架！

而家 Curious 進身為有車階級，安坐在其中。

Curious：抗議阿娘，為一已私慾，買架車滿足佢！

Curious：各位姨姨，聖誕快樂，人人稱心如意，收到自己鍾意嘅禮物！千奇唔好好似禾咁，收到 d 唔啱駛、唔等駛禮物！

劉華發冷

早輪廿度， Curious 都要開暖風機。究竟今晚寒泠預警下，少爺發點算？

Curious：著多件泠衫扮劉華，夠暖啦！

Biscuit：有衫著，唔駛用暖風機。正！餅餅霸哂！

Curious：邊個話著左衫，唔可以用暖床、暖風機？

Biscuit：麻煩大少，發冷咩！成身毛加埋件泠衫，都話唔夠暖！硬係要迫我，返暖版度瞓！

Curious：溫度係咁跌，有衫都要識走位！

Curious：唔講咁多，同爸爸 ( 房中暖風機 ) 攜手抗寒先！大北風唔係少野，北京零下14 度，問你怕未？冷親病左，就唔似劉華。

 

餅餅學中槍

Biscuit 見哥哥扮中槍，成功吸引粉絲，今次佢的起心肝，同 Dad dad 練習一吓！

練多 2 吓，Biscuit 明顯集中唔到精神，開字諗住 ------ 食罐罐！

連 Curious 都睇唔過眼，應酬式示範中槍。

Biscuit：臨近聖誕節， Holiday mood 標哂出黎，大人都冇心機返工啦，何況本少爺！

阿娘聖誕就忙到顛，食飯都係扒 2 口，求其填飽肚就算。腰酸背痛，都要頂返落舖！冇法啦，全年最重要嘅日子，一於撑硬上。

PS：多謝 blog 友，仍支持趙家小霸王，日日過嚟睇 2 個少爺仔，點樣恰工人阿娘！忙於過後，一定巡 blog 探下你地嘅孝順小朋友，謝謝各位。

大人駕臨香港

Curious n Biscuit ，乜唔再爭床打交咩？

邊個咁本事，叫 2 位少爺和平共瞓，唔通係爺爺？

Curious：下個星期 23 號，大人就殺埋身，安全 d 好！保命最要緊！

Biscuit：冇錯，我地有責任預早提醒眾生！

媽媽的定義？

呢個忤逆仔，一定要唱衰佢！

Biscuit：阿娘派左早餐，食飽要搵媽媽眠一陣！

阿娘：係屋企冇地位，= 工人、大玩具。

媽媽先係廳中部暖風機，加房中嘅爸爸暖風機，Curious n Biscuit 有齊天下間最溫暖嘅父母？

爭床瞓？