成身臭味？

阿娘：自己知自己事，打個招呼啫囝大人，唔駛歧視我成身臭汗？

天氣涼轉型做 GYM ！千年老汗肥油標哂出來，個身真係臭？返上屋企避免同人一架 lift ，盞臭親人？

自 7 月 22 日，減肥累積 15 磅，10 月輕 2 磅？開始踏入鞏固期，還差 15 磅，睇怕減足一年才夠數？

通告：

多謝各位對 Curious n Biscuit 不離不棄，對本 blog 給予意見，希望 2 少爺 keep 住出鏡！應該做得到，少爺仔唔該俾多幾款表情！

本 blog 宗旨：

唔開心，尤其遇上無理公事？入到嚟坐吓，可暫且忘記谷氣事，大笑鬆一鬆。誠心為你地服務，希望你地忍受， d 無聊隨筆，及選擇性回應。

寫作係強項 ( 有少部份人知阿娘嘅老本行 )，難就難在度橋，貼身留意小兄弟嘅生活變化。

可能題材難免重覆，但那是 Curious n Biscuit 嘅成長過程，希望你地也一併接受，予以支持！

踏入 11 月將忙到七彩，少去探訪  貴家少爺小姐，懇請見諒！本 blog 仍維持每日更新，星期六休息。

信心

九月連番風雨，天氣不穩，令阿娘好想發脾氣、亂罵一番。但阿娘冇咁做，將惱火化為動力，發狂游水。即使夜晚得 26 C ，亦唔覺得冰凍？

如魚般游入冰涼水中，思考又思考、檢討再檢討。該做的做了，可做的都想出，整個人輕鬆起來！

今夜，嗲嗲重提爺爺嘅教晦，爺爺嘅理論，頓時茅塞頓開！原來答案早於腦海中，只係阿娘太善忘，沒有記在心中。

 

2 個月報告

 7 月 22 日開始運動減肥，至今足足 2 個月。減左 13 磅，整個人細番一個碼 ，叫做有 d 效！

千奇咪恭喜，暫定仲要減多 17 磅！冇錯目標係前後減 30 磅，最好 40 磅添！ ( 太多肥肉陀喺腰 pat )

上個禮拜終於適應，游度 16 個副池，上水果吓真係腳震。不過與 Swing girl 建議嘅 20 個池，仍有距離？希望可以練習度？

之前係游水 + GYM，但發覺用了太多時間，成效不太顯注。所以只係 2 選 1 ，視乎早或晚而定！

噚晚甘餅罐集團 CEO --- Panda 爸，老遠由南海油田，帶來深海禮物，餅媽品嘗完鮮味 100 分嘅章紅魚，就走去游水，特別起勁！

Panda 爸南海油田復仇記 .......

http://hk.myblog.yahoo.com/jw!y8tCfk2fEwAHGIiE8TxhRc1_/article?mid=9400&suc=1

 

 

2 項鐵人

 7 月 22 日開始積極減肥，早 GYM 、晚游水，至今   45 日，稍見成績！

  7 月頭生日影

 睇番都幾恐怖！

噚晚發牙痕叫餅爸影相，居然有 d 改善？

不過離目標差 20 磅，繼續努力。會所泳池全天候開放、GYM 收零晨 1 點，邊有藉口偷懶。

呢排癲左玩 2 項鐵人，做完 GYM 即去游水，今日又試左，OK 唔太倦，個人仲好精神添！

齊心抗腩肉

 10 日前開始 GYM + 游水訓練後，減肥進度快左，日前為止減了 10 磅！身體亦適應各項運動，腰酸背疼減輕好多。

按：阿娘目標最少  30 磅，唔好咁快講恭喜，仲有排捱。而家開始減食量！

 Dad dad 也加入運動行列，日日落會所游水！係時候向少爺仔埋手 ......

順手幫 Biscuit 減肥，開始喵爆都唔采佢。希望餅家齊齊有成績。

PS：呢輪少左探各位，敬請原諒！

周身骨痛

契媽今午來電問候，以為阿娘生病？事實非也，只是倦 d 而已！

大家請放心，運動減肥法，好安全！

早上 30 分鐘滑雪機 + 25 分鐘緩跑 + 10 分鐘樓梯機

跟住休息、午膳

傍晚 6 點，再游水 10 個標準副池，跟住滲 SPa ，放鬆肌肉

身體適應後，才會加強訓練！逐級、逐級而上！

基於今個禮拜加時訓練，因此特別倦，身體赤赤痛，但忍受得住。只有呢種痛，才會令自己記得，千奇咪亂食野落個肚度！

減肥啟示

為左紀念 Curious 7 歲嘅成人禮，阿娘係 7 月 22 日開始刻意減肥。每日游水 8 個標準副池，誓要將陀左幾年嘅豬腩纖滅！

今次減肥超認真，目標時間最少一年，餅爸更身體力行支持，抽時間陪阿娘癲！

減了 6 磅，相信係 d 水腫，離理想差好遠！ 7 月頭買嘅新衫巳經唔啱，著到跌哂膊，總算有安慰。

今個禮拜加快進度，早上做 1 小時 GYM 收緊鬆馳嘅肥肉，晚上再游水， d 手腳倦到唔屬於自己！

又話青少年失業率 24 % ，舖頭請左 2 個月 part-time，都冇乜人見工。而家要幫手頂放假，忙到 d 時間好充實！

 

呢排實在太倦好早瞓，少左夜浦巡 blog 探你地，敬請原諒，請繼續捧場！