小霸王趙家發趙家富 , 每周一至六 , 帶給你漫畫式歡樂 , 共看 2 兄弟的人生 !
阿娘為少爺仔，做左份月供二千蚊基金，睇吓 發少同餅餅，百年歸老有冇錢淨低俾貓奴！
唔 cut 份基金，容乜易 09 年 3 月，美國基金贖回潮再爆煲，通街基金變廢紙架？
Curious：基金賺過錢，當作打和啦！有冇人要請貓模特兒，人工只需要係 Almo 就得。
Biscuit：學貓婆婆話 --- 財當係要有人前世爭落你嘅錢，今世才擁有！
今日看東方日報，基金不問價洗倉，為明年 3 月嘅贖回潮作出撥備。專家警告全美國 8000 家對沖基金，將有 4000 家面臨倒閉、兼併危機！
http://orientaldaily.on.cc/
今次金融海嘯，恰似黑洞，吸走人類財富！係時候同佢講分手，雖然無端端蝕錢，總好過到時揸住張廢紙。
自問不是貪財、又識得驚、明白 cash is king 嘅道理，咁穩陣嘅人，都要蝕俾個黑洞，溵死 .......... xyxz@@@@@@
話左慳 d 洗，唔夠 2 個禮拜，就自打咀巴！但 Biscuit 係阿娘有病期間，真係好乖生性，冇煩住哂要同佢玩！
Biscuit：各位阿娘好左 6 成，個人算精神番 d 。但分秘物勁多，醒到頭暈，亦唔好彩若埋 Dad dad ！所以家中大小事務，都要餅餅睇實！
阿娘：餅餅真係好生性，似隻牧羊犬咁伴在身邊！反而 Curious 就話之你 ......
今次真係哮 C 人，分秘物窒住係肺氣管，咳同醒都唔肯出，條氣自然抖唔順啦！
如是者每日去診所聞藥，擴張氣管抖氣才好些！今日開始分秘物，終能自然咳出來，胸口鬆了很多！
雖然食大量藥物，冇發燒代表肺炎逐慚好轉，大約 5 成！好快就可以聯同 blog 友，開個重要會議，記住等埋！
Biscuit：最鍾意 Dad dad 派飯，係長糧任食任添架！
Curious：弊在細佬，食得猴擒又多，成日嘔番出嚟。阿娘多左層功夫要做！
Ps：今次哮喘發係支氣管炎，肺入菌才發作。與家中 2 少爺絕無關係。
Biscuit：加埋阿娘隻手，真係好溫暖架！
阿娘：餅餅共渡時艱？暖床開少 d 得嗎？
Curious：夠薑唔好開暖床，本少爺皮包骨，隨時冷親，病俾你睇駛哂你 d 錢！
Biscuit：阿嗲阿娘病哂，唯有自己揾娛樂，淨係同哥哥追追逐逐，就倦爆！
Curious：瞓得特別甜！聽催眠曲仲正！
Biscuit：我欣賞緊 d Melody ，咪多事！
阿娘： Dad dad 個鼻內，傷口仍感到腫痛，有少量血倒流。醫生幫他抽走鼻內的結蕉血塊，家陣通爽好多！
Curious：阿娘哮喘病發，好辛苦！食藥令佢手震又瞓唔著覺，抖氣唔順暢，咳到肺痛。我地唔敢騷擾阿娘，悶到聽歌仔！
數學先生教 1 + 1 = 2 ，但根據趙氏兄弟嘅計算方式，1 + 1 應該 = 3 以上？
Biscuit：阿娘呀？哥哥霸哂 2 個鞋盒？
阿娘：放埋一齊，一個小朋友瞓一個盒！
大家話，係咪要 3 個鞋盒先啱數？
