2008年1月28日 星期一
2008年1月27日 星期日
2008年1月24日 星期四
2008年1月23日 星期三
2061 大跌市日
美國次按危機，終於席捲全球，影響經濟逆轉！
噚日全球股災，香港恆生指數下瀉 2061 點，本地股民頓成蟹民一族！
阿娘並沒有沾手股票，只係有感而發！香港經濟能幸免受拖累，市民荷包緊縮！
Sales A ：個市兩日唔見 3444 點， d 客都冇心機買野！今個月份佣又縮水！
老板娘 B ：我唔係咁睇， d 客冇錢買高檔奢侈品，就轉買中價貨，我地自然最受惠！
Sales A：你睇下今日，個埸靜左好多， d 客對手都冇紙袋！
老板娘 B：舊年恆指升到三萬點，股民炒到豬籠入水，我都感覺唔到 d客有錢左？
講得冇錯，我地做中價貨的舖頭，係舊年唔見得特別旺盛？
因為 d 客炒股賺到錢，會率先駛響名店、珠寶、汽車、旅遊方面！反之而家坐艇，自然要買野發洩，中低價貨品，係佢地首選！
還有鬆綁嘅股民，唔需留住資金入市，手頭也鬆左！所以大跌市，唔會有太大影響！各位姊妹用替小妹擔心！
何況 2008 年美國大選年，一定減息力撑個市！我地偉大嘅祖國，8 月奧運在即，唔會俾個市跌。有貨係手不是炒孖展，不必過份憂心！
更不必理會傳媒鼓吹的負面情緒！升市佢地勁煲，又話 9 歲小股神、乜叔大預言！家陣跌市，咪再危言聳聽，唔係你地點會買報紙、雜誌呢！
2008年1月20日 星期日
唉！又中計！
Biscuit：今晚阿娘去左花園街、弼街口，對入三四個位，旺角警署方向的一生果檔。以 $ 40 蚊買左 12 隻大橙！
Curious：阿娘行左去爺爺家，放低 6 隻橙，才返屋企！點知連續切開 2 隻 .....
Curious：前年中秋阿娘係同一生果檔，買左隻 $ 38 蚊乾身沙田柚，衰左一次？
Biscuit：平時佢幫襯開近旺角道街尾個婆婆，$ 15 蚊 8 隻中橙，好好味！
Curious：阿娘見婆婆收左檔，咪揀過第ニ檔！諗住 $ 10 蚊 3 隻大橙，唔差掛！
Biscuit：好揀唔揀，又上左同一隻賊船！學 Dad dad 話齋，寧願唔買，好過俾佢笑！
Biscuit：阿娘最慶係佢托住 12 隻大橙，攞到 16 c 都滴哂汗！
Curious：10 蚊 5 隻、4 隻唔揀，諗住貴 d 會好 d ！
Biscuit：點知果檔衰野全檔 d 橙，都係極差品！
Curious：個持大陸口音嘅肥婆 ( around 150 磅以上 ) ，親手整 12 隻靚野過阿娘嘆添！
Biscuit：爺爺教落，都話 d 大陸新移民信唔過架啦！係都唔聽話嘅！
2008年1月18日 星期五
2008年1月17日 星期四
五無消氣大法
對於果位四小姐，遭大家齊遣責。感溵姊妹支持！
打開門口做生意，常有無理的客人，班 sales 姐姐，有時會溵到喊哂口！只有教佢地咁樣諗：
( 如果客人無果樣，揾果樣，扮哂識野 )
娘：我地唔啱，冇 d 咁嘅野俾客揀！檢討下！
( 如果係昇四小姐 )
娘： d 丑態，佢男友睇穿哂！返去實鬧嘈交！娘：再諗深一層，四小姐脾氣咁大，好難同人相處，做硬老姑婆！
仲有一個更毒，( for 最差品行 or 講粗口的人 ) 叫做五無大法！
娘：你睇下佢，冇智慧、冇品、冇學歷、冇錢、冇社會地位！五無人士，老左會好慘架，好心可憐吓人！
氹一氹，sales 姐姐會破渧為笑，努力招乎好客人！
假如你地身邊，都有 d 咁嘅無謂人，溵親我班姊妹的話，妨背出五無大法，即刻消氣架！
人人都有脾氣，但要控制個人EQ ，不可向人亂發脾四！否則會給我地 d，三姑六婆笑足一世架！
2008年1月16日 星期三
勿亂發脾四
香港人出名壓力大，不時失驚無神發脾四！我地零售呢行，經常做出氣袋！
Sales Yan ，撞正個女昇四 ( 混吉蘊神客 ) ！
昇四為左應否購買， 敝小店一件貨物而與男友嘈交， Yan 巳扮見唔度！
四：d 貨邊度返？ (她撓住雙手，勁串發問 )
Yan ：韓國、日本 hand carry ，有自行設計！
四：咁即係 made in HK or 大陸做？
Yan：我地係香港公司黎嘅！
阿娘好奇反問昇四，何故咁問？
四：作為一個消費者，我認為件貨唔值呢個價錢！如果有 made in china 個嘜！
娘：價值觀人人唔同，視乎修養同品味嘅！( 那件貨 only $ 78 ，我認為合理 )
四：即係 made in 邊度？( 仲係非常串、兼出皮四)
( 娘心諗講明自家設計，即係由香港人嘅公司 QC 加設計，香港仲邊有工廠生產線架，80 年代北移左 20 幾年啦！人工幾多錢？用下個腦啦！ )
娘：我諗唔需要再答你問題！
之後隱約聽到大小姐身旁嘅先生：款色手工 ok 丫，價錢冇問題！( end up 佢地都冇買！)
後記：
如果屎面 D 阿娘可以話：關你乜事？ OR 俾錢就係客人、唔買就係路人！
畢竟阿娘大學畢業，有美貌、有內涵！毋須咁冇修養同佢糾纏！
目前 made in china ，巳攻佔歐洲、日本市場！一件 under $ 300 hkd 嘅貨品，好多時生產地都係中國，只過將最後工序、或紡織嘅配額，留俾有關嘅國家！
連歐洲嘅啡黑白色格仔名牌子，老早宣布 made in china ，成 $ 8 萬一件風褸添！你話唔值咩，有人繼續買！
好多人早巳知道，亦明白只要係非內地公司 QC ，巳係有質素的保證！
真係唔明果位大小姐，一 d 常識都冇？唔再答佢，因為佢冇智識。再講都唔會明！亦擺白揾事攪人！
咁緊張追問，難道那小姐，亦是 made in china ？怕買入同鄉貨？或是有心向 Yan 姐發脾四？
2008年1月14日 星期一
2008年1月12日 星期六
2008年1月11日 星期五
笨賊 1000 蚊黨
1000蚊黨，敝小店前後遇上 4 次！新鮮滾熱辣，係 Milk姐 VS笨賊一戰！
持大陸口音的獨行賊，吼正 Milk姐爆緊埸時出手。
賊：小姐，頂帽我啱戴嗎？
Milk：bb帽嚟？係咪送俾人？
賊：幾多錢？ $78蚊俾頂我！ (隨手拿出一千元 )
Milk：嘩？咁大張冇細張 d？ ( Milk 知有古怪)
賊：500蚊得唔得？ ( Milk拿新帽，放入膠袋內)
賊：再追問 Milk ，要她示範一次點戴帽！(企圖分散售貨員嘅注意力 )
賊：俾 $ 8 蚊你，找番 $ 432 俾我！ ( 賊人邊數大餅給 Milk 又邊說 )
Milk：吓？先生，你都未俾張 $500 蚊過我？
賊人給 Milk姐嚇窒？仲跌左 d大餅落地下！
賊：我唔要住，打過電話問下個朋友先！ ( 旋即急步走人 )
Milk 姐擊退賊人之餘，更從地上拾得賊人跌低嘅 2 蚊一個！
PS：作為一個良好商戶，梗係要向商埸保安滙報啦！商場亦從攝錄機，copy左呢位仁兄的專容，下次再入商場佢就知！
2008年1月8日 星期二
訂閱：
文章 (Atom)