機械發

 

今午特登唔去探 Curious , 想好休息多 d , 醫院亦每日 2 電話報告 ! Curious 巳從 ICU 移返入貓房 , 下午要姐姐用手餵 , 至肯食 10 粒糧 !

晚上探期見到 Curious , 戴住喇叭仔 , 戴住硬頸 cool 連插住嘅胃口 , 手又吊鹽水 , 發少又點可能自己食野呢 ?

阿娘即刻同 Curious 除喇叭仔 , 俾佢自己試吓食 ?

但係條頸個粉紅色頸 cool 實在太硬 , Curious 好難做一個張合口仔野嘅動作 ! 發少好想食又肚餓 , 阿娘唯有托住發少條頸 , 咀仔向天 , 逐粒糧窒入 Curious 個口 , 好快發少已適應呢個動作 , 如是者吞了 40 粒糧 !

按此推算 , Curious 明或後天 , 可先拆除胃喉 , 使他自然進食 , 阿娘明早 6:30 am 就去餵糧 , 1:30 pm , 8 pm , 共 3 餐 , 務求 Curious 快 d 回復體力 , 盡早回家 !

臨走前幫 Curious 執靚個竇 , 戴喇叭仔令他好倦 , 幫手按摩吓 , 用盤 long 陣個頭 , 鬆一鬆條頸吧 ! 阿娘寧願同你一齊辛苦 7 -- 10 日 , 總好過見你日日痛 !