2013年1月31日星期四

終極失望

Biscuit : 夠 6 點喎 ? 太陽就出嚟 , 阿娘好出糧 !

Curious : 我到阿娘條友 . 5 am 醒左上網睇< 尖啤> 搣柴單料 , 睇到 Kit Kit 笑 !

Curious : 阿娘咪扮瞓 , 捐入被竇咬你腳指 !

Biscuit : 阿娘等我帶你去廚房 !

Biscuit : 我要 Almo , 唔要便便罐 !

Biscuit : 開 Almo , 開 Almo .....

Biscuit : 開雪柜 , 開雪柜 , Almo 係入面 , 叮吓就食得 !

Biscuit : 唉 .... 世事嘅野 , 唔係你想 , 就話有嘅 ......
Biscuit : 阿娘唔理

Biscuit : 睇吓 , 哥哥果碗打回頭添 , 肚餓就谷哽呢 d 便便罐啦 !

結果晨咁早被迫起身 , 叮熱 d 配方罐 , 攪咁大壇野 , 冇人欣賞 ......

Curious : 我養病中 , 有貓權選擇 , 維護尊嚴 , 堅拒罷食 !

家暴餵藥

V 8 係俾 Curious 撈藥用 , 佢平少見嗲嗲飲 , 都會 lam 少少 !

今次試吓用 V 8 撈藥 , 好快又俾 Curious 識穿 !

Biscuit : 哥哥 , 咪扮醒目 , 唔飲仲大鑊 !

唯有用暴力 ---- 針筒支藥

Curious : 我慘到想喊呀 ......

發少 , 阿娘都唔想咁對你 , 希望個仔明白 , 忍耐吓 .....

乖仔 , .....

2013年1月30日星期三

終於出埸

Biscuit : 俾哥哥嘅病 , 霸足 3 個幾禮拜 , 仲日日有三百幾人追踪最 update news ! 我呀 , 都係有病過 , 就冇乜姨姨理過我 , 得呀罐契媽 , 蛇咩姨姨問候 , 啍成日話叫我執幾件衫車我個甘姨姨 , 直頭當我冇病添 !

Biscuit : 慘受粉絲忽略 , 阿嗲阿娘理哂哥哥 , 尤其果個緊張大娘 , 周不時忘記出糧 , 無淡好食 , 又要陪哥哥食 d 便便 Hills 配方罐 ..... 我呀 ,,,,, 瘦哂 !

Biscuit : 晚晚瞓細房 , 唔敢嘈哥哥 ! 做左配角咁耐 , 終於輪到我主場 ...梗係數臭阿娘啦 !

Curious : 細佬 , 我知你乖仔 , 等我休息多輪 , 陪你打交補數 ! 而家要主力食野 ! 多謝各位姨姨為我擔心一整日 , 給我和阿娘正能力去打仗 , 頭先同阿娘一齊瞓 , 雖然得 2 粒鐘 , 但係自從病發以嚟最甜 ...... 謝謝各位 .......

2013年1月29日星期二

發少暫時脫險

一早帶 Curious 去見 Dr. Mak , 有心理準備做切膽手術 , 商量之下發少唔可以做微創 , 並且要插食喉 , 住 7 至 10 日醫院 , 有 15 % 風險 , 可能引起併發症 !

嘩 , 一聽餅爸即場 say no , 反建議有否冇創傷性方法 ?

餅爸認為電腦掃瞄要打麻醉針 , 對 Curious 仍有風險 , 最後決定剃毛仔 , 做多次超聲波 ! 因為發少噚日見完 Dr. Karen 龍精虎猛 , 反屋企主動食又有去大小 , 連乞次都消失左 !
今次手術唔似有急性需要 , 希望 Curious 避捱一刀 ......

心急如焚等了一個下午 , 4 pm 再見 Dr. Mak , Curious 膽炎有 20 % 改善 , 膀肛炎 , 胰臟炎亦好了 , 但 Dr. Mak 認為最好切左個膽 , 免除後患 ! 現時吃住控制膽汁藥 , 再觀察一個月後嘅進展情況 , 才決定 ! 至於鼻仔粒肉 , 今日又消失左 , 可能乞次打左出嚟 ......

Curious : 手術嘅野可免則免 , 我會乖乖食野 ! 2 月 28 日又要照多次超聲波 , 又要捱一晚肚餓 , 頭先返屋企 , 我博左命唔停咁食 !

一家失眠

Curious 明早 10 am 照電腦掃瞄 , 零晨就要禁食 ! 阿娘特地買 Almo 乪吓對仔 !
DSCN9634

Biscuit : 好耐冇食 Almo , 正 ......

Curious : 我要食飽 d 準備戰勝個手術 /////

Biscuit : lam lam 咀 .... 12 點就一家紥豹 !

零晨 2 am , 對仔又想食 ? 企哂廚房度 ?

Biscuit : 最慘我都冇得食呢 !

Biscuit : 又唔係我做手術 ?

Curious : 做兄弟要齊心先得 !

Curious : 嗲娘都冇得食 , 淨飲水唔想引誘我 , 但一家四口餓住個肚等天光 !

2013年1月28日星期一

$ 不是萬能

任憑你家財百萬 , 千萬 , 億萬 , 好多事情並不是 $ 可以攪得掂 , 越微少嘅事就更見艱難 !

Biscuit : 今夜一家都冇覺好瞓 , 阿娘因為哥哥唔肯食野又冇去過廁所而流淚 , 嗲嗲就不斷乪哥哥食 , 由嬰兒菜 , 乾濕乜野 d 輪流試 , 我就最忙果個 , 因為要執手尾 , 食到好飽呀 !

最後嗲嗲決定俾發少食開胃丸 + 止痛藥 , Curious lam 哂 d 汁 ....剩低 d 肉 .....

Curious lam 完有番 d 力 , 而家半夜 3 點同嗲嗲玩 ball ball , 真係一個怪獸家庭 !

PS: 各位貓友 , 我都知大家好緊張 Curious 嘅病況 , 我巳 24 小時守候發少身旁 , 靜心觀察佢每一次細節與動作 , 一有時間就向大家報告 !

餅媽心裹感恩 , 感謝眾友支持 , 尤其是追看趙家發 blog , 長達 5 年嘅友好 ! 雖然餅氏一家不如尖東忌廉哥般出名 , 因為寫 blog 從不求名利 , 只想為愛兒做一個生活紀錄 !

餅媽心知 Curious 遇上一個劫 , 做娘親可以為他做 , 餅媽義然反觀地去做 , 只求 Curious 晤好辛苦 , 健康快樂 !

現是 Curious 看嘅 Dr.Mak , 太平道寵物診所 , 算是寵物界嘅養和 , Dr. Mak 亦是本地首位华藉獸醫 , 行醫超過 30 年 , 診所係一整 team 團隊 , 手術醫生 , 麻醉師 , 電腦掃瞄師 , X -ray 都由不同醫生負責 , 這隊團隊我都不相信 , 我也不知找那個醫生 !

何況餅發一直由 Dr. Mak 負責 , 對 2 兄弟病況都熟悉 , 我知道 Dr. Mak 建議 Curious 割膽 , 係對發少最好治療 , 放心將 Curious 交俾 Dr. Mak !
希望發少食多 d 野 , 才可打仗下去 .......