長痛不如短痛

觀察了一星期期 , 餅家已決定為 Curious 做割膽手術 ! 原因有5  .....
1) Curious 3 歲時 , 曾經因為膽發炎 , 而住院及食三個月藥 ! 餅家估計發少膽病 , 巳潛伏很久 , 所以他才特別黐暖床和暖爐 !
2 ) 食了 3 星期抗生素 , 才好轉 20 % , 理論上進度太緩慢 , 同時 Curious 不可能長期服用抗生素 , 亦證明不能有效消滅細菌 !
3 ) 貓本身好忍得痛 , Curious 太痛而冇胃口 , 也時好時差 , 不似是藥物影响胃口 !
4 ) Curious 有時吃多了 , 會嘔番哂出嚟 , 係因發炎而導致消化有問題 !
5 ) 綜合以上 , Curious 其實一路忍忍作痛 , 但佢不能用言語表達 , 我們只有選擇數據 , 如化驗血報告 , 超聲波等 !

當然我們可做埋電腦掃瞄 , 俾多 $ 3000 , 便更一清二楚 , 但係報告分析要 5 天 , 即是 Curious 仍需痛多 5 天 ! 與其每天要發少忍住痛 , 不知何年何日 , 甚至反覆番發 , 點解唔一痛切 , 讓 Curious 做手術 , 捱 7 至 10 天醫院 , 再多三星期傷口休養 , 那麽計才是一個月 !

割膽係 Dr .Mak 眼中同絕育手術般簡單 , 分別係傷口較長 , 同要留院插胃喉 ! 對 Curious 嚟講係有 2 - 3 天辛苦 , 總好過每天吹暖爐忍痛 ! 這個決定較為進取和大膽 ...... 但將來更健康 ! 等如主人為寵物絕育 , 也是為了健康 !

每天見 Curious 病情反覆 , 食吓又嘔吓 , 難道做阿娘什麽也不做 , 令他受痛之苦 , 倒不如短痛換長痛 ! 至於再咨詢其他 vet , Dr. Mak 嘅團隊比外面更有經驗 , Dr . Mak 每天上午做手術 , 下午才診症 , 處理個案比其他 vet 多 , 儀器又是最齊和先進 , 算是寵物界嘅養和 , 其他 vet 亦有轉介 case 俾 Dr . Mak 做 , 應可以放心將 Curious 交給他 !

今午已聯絡醫院 , Dr . Mak 明早回覆手術期 , 應該是新年前 ....

Curious : 阿娘買左 Happy 姨姨推介罐罐 , 好香好味 , 可惜轉頭又嘔番出嚟 , 阿娘成日想攞走我個膽 , 你估蛇膽 , 熊膽咩 , 攪到初一要留院 !