溵 C ......

原本開開心心係東京玩，27 th 舖頭 sales 姐姐一個 SMS通知，做到 5 月底！即刻溵到暈倒咁滯？

餅爸話：世界上舖頭冇左邊個都得，係唔可以冇老板！得到支持，阿娘放鬆好多，決定不再求人，預左親身再上戰場。

嘗試同 sales 姐姐傾，人地鴨俐洲模型店出 $ 35 / hrs ！最大分別係佢住彩虹，每日用 3 hrs 轉 2 次車上落班，有同學一齊做唔駛 sales ，嘻嘻哈哈返 8 個鐘、一星期返 4 日，短期工？

我地 $ 27 / hrs + 2 % 佣金，做滿 $ 2000 另有 $ 20 蚊獎金每日 10 hrs，可選擇上班日數，長做長有直至佢大學畢業。交乜數都唔敢鬧半句？又買埋衫俾佢裝身。( 佢係新移民中五會考生，屋企 3 年冇買衫俾佢，打工係想儲錢升學 )

點知佢認為模型唔駛 sales ，冇咁大壓力，自知我對佢好好，唔好意思喎！

家陣 d 90 後唔知諗乜？難道敝小店待遇真係咁差，一個 sales 每日最少有 $ 300 人工，都唔滿亳。到底佢地高估自己，定係我要求太高？自問待 sales 不俗，冇迫交數、出錢請食飯、零食唔少得？

咁都留唔度人，阿娘真係冇本事。 12 金釵飯局又要缺席，勁谷氣、血壓高就嚟心臟病發 .........