貓少爺的生活時間表

作為一隻深得爹娘鍚鍚的貓少爺， keep 住作息時間表，是很重要！

因為 Curious ，每日要肩負起，訓練貓奴照顧自己的工作。極之辛苦 ga，i mean 係本少爺要令貓奴，明白本少爺所發出、要求的指示！才可舒舒服服地，過開心每一天！
 06：00 am 起身等 Mummy waked up！如 Mummy 遲過 07:00 ，Curious 就會在大床發出不耐煩的叫聲。Mummy 仲唔肯起身，就要將行動升級，包括咬佢隻手，還有秘密武器，踏住 Mummy d 頭髮。唔駛 1 分鐘，即刻彈起！

 07：30 am 食早餐、放便便！

Mummy 每朝早要將食剩的貓糧倒去，洗乾淨貓碗，放 d 新鮮貓糧、煑過的食水，係 Curious 少爺每日的指定動作！缺一要罷食黎提醒貓奴！第二件事，就係要清理貓廁所，裏面不能有污物。有時 mummy 仲有 d 好野，如芝士等醒下 Curious 個胃口仔。

 09：00 am 瞓覺補鐘！

本少爺都算有良心 ga，早上 Curious 會陪 Mummy 睇網上報紙， Mummy 再瞓 Curious 會等佢不知不覺熟睡後，才慢慢去 mummy 個枕頭 sleeping！

等到 Mummy 完全正式起身，Mummy 會舖好張大床，呢個時候 Curious 會捐入被被瞓覺至天黑。
 19：00 pm 陪巳回家嘅 dad dad ！

入夜後多數 dad dad 先回家，話哂佢至係 Curious 個大老細，梗係要起身應酬下，咪扒係個電腦箱度，扮下乖仔陪下 dad dad 。周時都有零食回報，尤其係一包薯片，兩仔爺分零舍好味！

 22：30 pm 等 Mummy 收舖回來！

Mummy 如出左舖頭，會準時係 23：30 前回家，Curious 會坐定，聽到 Mummy 脚步聲，便會隔住度 door 叫幾聲。Mummy 見到本少爺，都會整個

林志玲式的深情擁抱 。唔係咁 Mummy 就會忘記醒零食俾本少爺！

 00：45 準時上床覺覺豬！

基本上 dad dad Mummy 係夜瞓之人，所以 Curious 少爺係唔會等佢地，自己瞓先。就算 Biscuit 黎左玩，一於好少理。

coz i am a 好有原則、有規律的貓貓！

 

Ebi 大表姐：我一樣有原則的狗，冇鞋仔和衫衫，本少姐一樣唔肯出街行 ga！我成十一崴 ga la，無人可以改變度！ hehe ！

Mummy：Chiu's family 嘅寵物小精靈一族，Kitty 貓表妹、Edi 狗表姐、Biscuit 細佬、Curious 大少，真係少 d 心機都唔掂。尤其係厭尖大少 Curious ！一唔高興就玩罷食。