地產霸權

熟知餅媽底蘊嘅老友 , 一看條題 == 地產霸權 , 層樓 pay off 哂 , 冇爭銀行錢 ,  點會同我扯上關係 ? 係呀 , 我都冇諗過再買樓 , 想賺我欺炸我 , 難 d ? 奈何偏偏選中我 ?

好多人知餅媽有間過日神舖係旺角新之城 , 大錢真係賺唔買 . 買餸就啱啱夠 , 勝在唔駛攤大隻 -- 如來神摩 , 問餅爸攞家用 , 聽落型 d ! 叫做自食其力 , 揾吓買餸錢 , on 居居做左 10 年 ?

舊年 10 月 , 新之城租務部 , 將地下大堂 ( 即直駁港鐵門口 ) 全封了約 800 呎 , 間舖給周生生 ! 入口位改係西洋菜街 , 變相將最剎食嘅龍脈自斷 , 成個場人流即時跌了 50 % , 到今年 1 月周生生正式營運 , 人流跌剩 30 % !

人流跌生意梗係同步跌 , 求助於餅爸 , 分析新之城錢途 ? 觀察目前地型 , 當然守唔過 , 故此未約滿都要速閃 ! 扣按金都要走 ......

今次棄守新之城 , 輸給地產霸權 , 租務部自斷龍脈 ! 生客難以知道正確入口 , 加上租予金舖 , 個場即時老餅化 , 試問有多少年青人 , 會駐足看金舖飾櫃 , 何以吸引人流 ?

再者封了港鐵那邊入口 , 人流從以往直上 , 改為向右轉向先達方向 , 就算是直行 , 也會流入旺中門口 , 電梯入口設計與兆萬類同 , 做開生意者也熟知兆萬境況 !

還有主要用作上落樓梯 , 旁邊租予撈撈同貢茶 , 人客在旁等候 , 通道平排原可容納 3 人 , 變成得 1 人嘅通道 , 對想上嘅客人造成不便 , 等同將入口進一步收窄 ?

單憑上述 3 點設計嘅缺點 , 形到自殘 , 唔走唔得 , 賺到都俾哂租金度 ! 餅媽今個夏天休戰 , 冬天再捱過 , 做個全職 C 9 ......