成功好 Easy！

蘋果日報頭版，13 歲嘅男童，用 $ 548 買個周秀娜枕頭，攬住上手當係寶，好有成功感！

新聞背後，表現 80 世代後年青人，對滿足感、成就感、自信心流於表面化？原來成功可以係咁簡單？

排通宵捱眼瞓，買到件心頭好？

上網鬥咇價，搶購到件無謂物品？

花一輪唇舌，講價平了幾蚊？

執抝到底、窒到人地，自以為口才了得？

乪個懵人送禮物、俾錢找數，你收財時人地收色？

大洒金錢，溝到個自視為國色天香嘅女仔？

唱腔似某歌星，日日去唱 K？

碌爆信用卡，然後朋友讚句 -- 有種？

有個男友似奴隸、幫你挽住個女裝手袋？

這類嘅成功人士，必須配合以下特徵，人地才會另眼相看？

一個絕不能被人掂得、郁親會打人嘅髮型！

身上掛有名牌袋、名牌衣飾 ( 2手最好 ) ！

撓埋雙手行路、邊行邊 SMS！

講野對眼唔望人！

說話要夠大聲！

生於60、70 世代，成功感自信心，係要用學歴、工作經驗、人生悅歷，日積月累咁換取返來！究竟係這些人覆雜些？還是 80世代嘅人頭腦簡單？