廣告得個講！

有冇留意以下廣告，試吓分析有何不頗？

A ) 某牌子雞粉，搵個營養師出嚟發嗡瘋？指控鹽含鈉，對身體唔好，建議用雞粉取代？

B ) 大型屋苑，係外國拍攝，門口高狗又大，花園大到個農莊咁，外藉男女主角，騎著馬先行得哂？

C ) 纖體公司幫肥妹塑型，家陣揾緊免費代言人？

D ) 連鎖快餐店推出芝士球，條芝士可拉度幾呎長？

解讀分析：

A ) 鹽確實多用無益，但雞粉所含嘅化學成份，冇鹽嘅結構簡單？唔信一罐雞粉，足有一隻雞份量！

B ) 家陣 d屋苑廣告，完全唔會實境拍攝？明明本地屋苑，講到出面有個農莊、陽光與海灘、甚至有個小島添？俾果幾百萬，有咁嘅 views，發夢咩！

C ) 160 CM 高、160 磅、 3 圍夾埋超標 160 cm 嘅代言人，交 10 萬保證金， 2 個月內減肥達標，咪可以免費囉！否則纖體公司又多宗生意！

D ) 果隻芝士球，好多人領教過，唔駛多講！

香港嘅廣告，果種美化事實嘅手法，著實過火、毫無道德可言！

但係有樣野仲唔明，明知廣告加特技、相又執過 (尤其係纖體、護膚品代言人 ) ，點解仍有人中招！

對待不熟悉事物，乜唔係要做資料搜集。我們以往嘅求證精神去左邊？

到自己衰左，就賴人地扼你，社會嘅錯、政府唔去監管！咁我地咪唔駛承擔責任？

勇於承認錯誤嘅人，已經係 21 世紀嘅人中龍！