趙家三貓黨初次碰頭之 --- 有你冇我！

有追開 Curious blog 的朋友，都知道 curious 有個住在爺爺家的細您佬 biscuit，同二姑媽有隻小表妹 kitty，稱之為趙家三貓黨。

噚晚 curious、biscuit、kitty 初次碰頭，幾經辛苦才映到張三人合照。動用左右護法 curious mummy、yvonne堂家姐，攝影師 claudia堂二家姐，大導演大表姐 mia，四人想盡辦法才映到，真係要細心欣賞！ 

 

Biscuit：你就係我哥哥 Curious？？

Curious：乜得你咁招積，坐係屋頂裝裝貢！

 

Biscuit：而家咪跳落黍下乜料！Curious 哥哥，做乜俾人困左入籠？

Curious：咁多口水，信唔信我 "胡死你"丫拿！(curious 從來冇發脾氣胡人，mummy 驚起上黍就唔敢放 curious 出來，避免打交！)

 

世上有樣叫一山還有一山高，趙家仲有位逢男性貓都 "胡死你"的 kitty小表妹。為安全計都係眼不見為妙！

Curious：如來神掌又黍啦，另咩面穩陣 d。

Kitty：咪蝦我望唔到野，俾我開到眼你就知！

 

Curious：claudia 快手 d 映，度門打開左，我嚇到縮埋一舊！

Kitty：Mia 家姐係度兇緊我，自身難保。

Curious：Mummy，我又唔小心中咗kitty隻如來神掌！

Kitty：邊嗰叫你咁八掛，突個頭出黍搶鏡丫拿！

Biscuit：哥哥女仔唔得罪得架啦！你都串得耐！

趙家三貓黨，暫時唔可以和平共處，要分開各據一個山頭。Curious 潛水入衣柜、 

 Kitty要坐監入籠，因為 kitty 胡到好似條蛇咁露哂 d 牙！ 

 Biscuit 冇貓肯陪佢玩！周不時行來行去塭 curious and kitty。