生日霸王餐

Curious : 阿娘生日 , 買左個貓袋乪自己 !

Curious : GYM 上堂 M 用 ! 阿娘今年生日做慳妹 !

Biscuit : 我谷到一肚氣 ! 超嬲阿娘同甘餅罐集團食好野 , 冇我 2 兄弟份 , 我地夠係壽星仔 !

多謝甘生甘太 , 送左一個回味再回味嘅霸王餐 !
去鯉魚門食海鮮 , 一定有鐵腳芥蘭罐 , 同鮑魚達人甘氏伉儷 , 對海鮮品質有要求 , 象拔蚌要食加拿大至正 ! 果真鮮甜 ....

游水牡丹蝦 , 仲要刺身上 , 極之罕見 , 較急凍嘅爽口彈牙 !

有剩嘅蝦頭 , 超多膏 , 豉油王整法 , 連殼都可以食埋 !

甘太嘅最愛 , 原隻瀨尿蝦 , 避風塘炒法 , 野味 ! 冇左佢 , 甘太話好似無食過海鮮 !

南非鮮鮑魚 , 有半隻手掌大 , 用刀义切 , 有咬口 !

大聖子 , 爽到尤勝鵝腸 !

Biscuit : 我冇份食 ,  No eye See ....
But 多謝契媽同甘姨姨 , 咁有心同阿娘慶生 , 又少煩我一個晚上 ! 茹素成癮嘅契媽 , 仲為左阿娘破戒大魚大肉 , 多謝 2 位好姨姨 !