發少要做手術

Curious : 今日又要覆診 , 不過好快 15 mins 到我 !

Curious : 不過快唔代表好事 , 係好大件事添 ......

DR.Mak 指 Curious 膽管炎 , 令 2 條管都窒 , 導致胰臟 , 膀肛 , 成組器管都發炎 , 所以 Curious 胃口變差 , 亦少去廁所 !
Curious 已經食左 2 個禮拜消炎藥 , 唔見有明顯好轉 , 唯有採取進手法 , 就係割左個膽 , 以防又再反覆發炎 ! 故此已 book 下星期二 , 全身麻醉做電腦掃描 , X - ray , 超聲波 , 驗血 , 整個全餐大檢查 , 才決定是否割膽手術 ....
另外鼻仔打乞次 , 初步否定貓瘟感染 , 鼻水浠而又窒左鼻 , 檢查後鼻腔內有野 , 待星期二麻醉後取出 , 化驗是否 Canser ??

 Curious : 唉 , 我阿娘聽完都冇哂心機 ! 今日嗲嗲生日 , 阿娘冇心情買禮物 , 嗲嗲話我晤駛做手術 , 就係最大嘅禮物 !

祝貓體健康

Curious : 咦 , 個廳咁嘈 !

Biscuit : 呢 d 粗重野哥哥熟手呀 , 揾我做乜 ?

Biscuit : 吓 , 哥哥大傷風 , 驚佢 d 乞次噴落嗲嗲生日蛋糕上 ? 咁都得 ? Biscuit Pa Hppy birthday !

Biscuit : 咁... 咁 ... 咁 make a wishes 蛇年貓體健康 !

Curious : 細佬 , 你睇吓我個粉紅心形鼻 , 變左深紅色 , 乞次到暈 !

Curious : 兄弟同心 , 頂一鑊切蛋糧啦 !

Curious 乞次仍多 , 唯有加放濕機 , 俾佢舒緩吓個鼻仔 , 看好紅吓 .... 明午覆診

嬰兒發

 

Curious 冇胃口 , 有貓友提醒可試用 Baby Foods , 於是朝早 7 : 30 am , 撲去惠康 , sorry law 人地唔賣 ! 下午再去百佳 , 問收銀員有冇嬰兒菜 , 吓咩野嚟 ? 餅爸指新移民唔識 , 反而後生仔執貨員就醒好多 !

貓友提醒買雞肉味 , Curious like 嗎 ?

即刻倒出嚟試吓 , 真係好香 .....

Curious 同 Biscuit 門神企定定等

Biscuit 當然食哂 , 但發少只係 lam 了一半 , ok 啦 !

苦中一點趣

唔經唔覺 Curious 巳經病左 2 個禮拜 , 膽管炎令發少既痛又辛苦 , 做阿娘心痛又擔心之情 , 為貓奴者皆可感受得到 , 多謝你地鼓勵與支持 , 我和發少才撑得住 !衣不解帶 , 街也不敢去 , 守候在 Curious 身旁嘅餅媽 , 每天用精觀察發少嘅變化 , 失眠早已係我嘅副產品 !

今早難得一見 , Curious 甜睡嘅樣子 , 忍唔住拍下 ......

可惜整醒左 Curious

4 am 才食了罐罐早餐 , 家陣 6 am 試吓派乾乾 , 腎糧先上 !

Curious 望住品神

再試腸胃敏感糧 , 同細佬嘅减肥糧 ....

一樣俾咁嘅反應 , 是夜阿娘 4 am 醒左 , Curious 先後打了十多次噴次 , 明明吃了抗生素 , 怎麽仍有噴次 , 尚幸咳就冇哂 , 是否因而影响發少胃口 ? 有時見佢又飲多咗水 , 何解 , 多個 ??? 號 , 教人失眠眼光光 ...... 見 Biscuit 甜眠 , 知道餅仔尿道炎巳康復

過去 2 星期情緒低落 , 喜見今日各大報章 , 大肆報導熊反咬狼嘅花生故事 , 甚是有趣 , 係苦中帶來一些喜悅 ! 自狼上場一直冇寫過佢一句 , 因為大話精不值一題 ....
當茶樓阿伯 , 街市大嬸 , 小巴的士司機與乘客 , 都批評狼嘅語言偽術 , 即係真理巳勝 , 下台只待習主席 3 月坐正 , 才得閒整治這個 , 以瓜分香港利益為目標嘅保狼局 !

PS : 感謝眾友好 , 俾時間看我和貓少爺的故事 !

發少冇胃口

Curious 呢幾日精神左 , 但係胃口差左 , 同厭尖左 !

買左 KD 腎乾濕唔食 , I D 腸胃敏感乾濕又唔食 , Biscuit 就好捧場 .....

 2 姑媽買嘅老年貓火雞罐又唔吼 ......

可能胃口差 , Curious 想食淡口野 , 淨係肯食肥餅隻減肥 RD 糧 , 但求發少肯食 , 而家乜糧都擺佢面前試 !

發少身型又唔似太瘦 , 今日仍有噴次仔 , 唉星期六又要覆診 , 又要嚇一鑊 !

貓上貓

餵藥 3 寶 , 藥棒 --- 用於藥丸 , 3 m 針筒 --- 用於加蜜糖 , 10 ml 針筒 --- 用清水過吓口


Biscuit 太肥 , 為安全計唔撈蜜糖 , 秘缺係盡量用小小水溶藥

整成 1 ml 度 ..... 吓 , 咁咪超苦 ?
 
Biscuit : 吃得苦中苦 , 方為貓上貓 !


Biscuit : 食得快到影唔到 , 得飲過清水片 ..... 俾個叻我啦 !


藥棒係俾 Curious 用 , 响 Dr. Mak 度買 , 50 蚊 , 比寵物店 20 蚊那支好用 , 一餵就 ok , 可能係咀位 d 軟膠質地 soft d .....

Curious : 仲要食 3 星期 , 有排捱慘 ......

 

發少病得超嗲

Curious : 茅左大忽毛 , 零舍寒 ! 阿娘係我嘅大仇人 !

 

阿娘同 Curious 灑淋 , 發少發出好罕見嘅叫聲, 證明佢真係好辛苦 , 而且食 2 隻抗生素 , 食到暈暈地 !

發少仲好嬲阿娘 , 成日用個 pat 對住我 ! 為求俾個仔靜養 , 要出街唔可以係屋企阻住 Curious , 講俾人知都笑大人個口 !