2010年6月5日 星期六
谷氣 2
豆丁媽、皮媽、Happy 媽、來自 New York 嘅我家仔仔，一齊嚟探阿娘！亦好巧合地有人自薦？得到各方支持，餅媽也老懷安慰。
鄰舖 sales 姐姐們，不值原有 sales 妹妹所為，羣插她只顧瞓覺同嘻戲，帶埋男朋友返工坐足一天？見客人當睇唔到？根本有心搗亂，唔係出嚟撈世界！
終於忍唔住打俾個妹妹，問吓佢係咪好憎我，點解對我？直頭唔係返工，同去遊戲場冇分別？又話自已係風紀，幾受老師愛錫？
何故帶 d 朋友坐係舖頭？佢聲稱朋友嚟幫襯？問佢地坐左幾耐，又話冇 count 時間？我話唔記得唔緊要，有餅帶係手返舖頭睇咪知 .....
舖頭有 2 cam 嘅錄影機，3 部 IP cam 接駁 server！高科技全方位保安系統，如今用嚟捉蛇。班友漠視紀律，駁我唔係香港冇佢乎！
人手方面暫時搭夠，但仍需 train up ，勁 Busy！
2010年6月2日 星期三
揾食艱難！
東京呢 2 年變化好太，揾食真係好難！以前求其行入一間麵店，都好好味但 .....
自動麵店大量起用年青人，湯底改哂湯包 ( 如 HK 味千拉麵果種 ) 。真正豬骨湯底好難係東京找到！( 大板、北海道除外 )
唯獨手握壽司仍保留傳統日本味道
日本經濟蕭條，從細微地方可見！最受歡迎嘅夾公仔機，d 戰利品縮哂水，從以往 SEGA 公仔，變為？
中國大陸平價貨，取代 Made in Japan 嘅品牌，廣受民生愛戴！平時賣開衫嘅舖頭，變左賣家品為主。日本 50 歲以上嘅人，享受 80 年代輝煌時刻，最具消費能力，家品係針對呢個市場。
80 、90 後嘅年青人，不介意從事低微工作，碌拉麵、洗碗清潔派傳單叫賣，隨處可見。但細心觀察，那機械式多謝口號，巳不是從內心說出口。
反而我呢個港、中國人、外國人就繼續支持 Made in Japan ！去到店舖店員講國語、收銀聯 ETC ，差 d 以為去左北京！
2010年6月1日 星期二
溵 C ......
原本開開心心係東京玩，27 th 舖頭 sales 姐姐一個 SMS通知，做到 5 月底！即刻溵到暈倒咁滯？
餅爸話：世界上舖頭冇左邊個都得，係唔可以冇老板！得到支持，阿娘放鬆好多，決定不再求人，預左親身再上戰場。
嘗試同 sales 姐姐傾，人地鴨俐洲模型店出 $ 35 / hrs ！最大分別係佢住彩虹，每日用 3 hrs 轉 2 次車上落班，有同學一齊做唔駛 sales ，嘻嘻哈哈返 8 個鐘、一星期返 4 日，短期工？
我地 $ 27 / hrs + 2 % 佣金，做滿 $ 2000 另有 $ 20 蚊獎金每日 10 hrs，可選擇上班日數，長做長有直至佢大學畢業。交乜數都唔敢鬧半句？又買埋衫俾佢裝身。( 佢係新移民中五會考生，屋企 3 年冇買衫俾佢，打工係想儲錢升學 )
點知佢認為模型唔駛 sales ，冇咁大壓力，自知我對佢好好，唔好意思喎！
家陣 d 90 後唔知諗乜？難道敝小店待遇真係咁差，一個 sales 每日最少有 $ 300 人工，都唔滿亳。到底佢地高估自己，定係我要求太高？自問待 sales 不俗，冇迫交數、出錢請食飯、零食唔少得？
咁都留唔度人，阿娘真係冇本事。 12 金釵飯局又要缺席，勁谷氣、血壓高就嚟心臟病發 .........
訂閱：
文章 (Atom)