多謝各位關心

星期日，罐罐契媽特意嚟舖頭探班，擔心餅媽會辛苦，給予鼓勵並準備幫吓手，心中暗自感溵！

剛巧同日新 part - time 上工，雖然 17 歲半兼全生手，但有餅媽帶住，幫忙執吓死雞，跑出來嘅數，都高於 Milk 自己一個！

呢個星期六日，舖頭內人流忙個不停，與以往 Milk 在形成強烈對比？心中百感不解，就問吓 Sales ABC，佢地係正舖頭對面，自然最清楚？

Sales ABC 認為 Milk 黑口黑面，顧客自然唔敢入，加埋佢為求交數，專 sale d 貴價貨，咁咪做少個客！好多特價、中價貨嘅客人以為好貴，嚇都嚇走！

從開舖第一天，餅爸教落係要用心賣野，你對客人應視如朋友，給她一件合適貨物，令她滿意離開！任何有遺這個宗旨，應立斬無恕！

那刻餅媽只有怪自己太心軟，郁得 Milk 太遲！一個冇心機又唔受教嘅 sales，幾叻都冇用。

上了寶貴一課 ( 真係好貴，但餅媽有信心年底前追回損失 )，明白力不到不為財，餅媽會取回舖頭主權，事事親政！

至於甘太擔心餅媽腳根炎問題，由於巳減肥 17 磅，應能應付得到！多謝各位關心！

溫馨提示：

餅媽巳分配好時間，本 blog 於即晚回復正常，每晚 11 pm 自動更新，小兄弟又可每日帶俾各位歡樂！

唯可能太忙而未能探望各位網誌，敬請原諒！