清理門戶

用了 2 年時間，勸至咀唇也乾，無法令舖頭 sales Milk 改變！她仍然喜與積犯男友、吸毒朋友為伍！Milk 嘅毒癮，巳去到影響舖頭生意階段！

餅媽星期五狠下決定，與舖頭嘅全職 sales Milk ，達成和解即日接受佢嘅辭職！

 20 歲嘅 Milk ，有錫佢嘅媽媽和家姐，周不時買野甚至送飯給她。家庭生活完全冇煩惱，但偏不聽人勸，只聽令於監躉無正職嘅男友 Ken 。

餅媽只知 Milk 有食 K 仔習慣，她一直否認有此事。基於此屬私人行為，只要賣得野交到數，作為僱主係無權過問！

直至 9 、10 月份生意額急跌，餅媽有所懷疑？唯一路沒有合適人選頂替，只可啞忍！

疑團：

1 ) Milk 返工明顯冇精神，與客人對答遲頓？對客人欠缺熱誠，自然生意額下跌！Milk 話唔夠瞓？

2 ) Milk 返工遲到超於 30 分鐘，叫極唔肯改！

3 ) 長期冇錢，食麵飽、杯麵，兼冇錢買新衫？佢份糧最少每月 8 千以上，咁窮？Milk 聲稱要儲錢？

4) 經常放假前一日，借糧 $ 500 ？以為佢去玩用！

5 ) Sales A 、餅媽有時買新衫不合用，轉贈於 Milk ，卻從不見她著用過？懷疑賣了換 $$！

6 ) 每日去廁所多次，每次約 10 分鐘！

所有迷團終於解開：

幸得鄰舖 sales A 通水 ，指 Milk 曾向她提及：Ken 又食番煙，叫佢戒又唔肯，所以我都食埋一份？

Sales A 表示觀察左 Milk 成個月，一齊去廁所或收工行街，都冇見過 Milk 食煙或者口裏有煙味？

Sales B 指 Milk 塊面成日生瘡，話冇 High 野，打死都冇人信！

種種跡象和證人口供，其實 Milk 所服食嘅毒品，並唔係 K 仔咁簡單！面上所生嘅叫冰瘡，係吸冰嘅人特徵。冰每服約需 $ 500 ！服食後令人難以入睡。

清理門戶：

餅媽特致電 Milk ，著她不要遲到多於 20 分鐘，否則大懲罰！星期五 6 th ，遲足 35 分鐘？當我冇透明，餅媽即趕返舖頭 --- 做野！

餅媽與 Milk 傾左 15 分鐘，鄰舖 sales 一致看到 Milk 神情呆滯，冇厘反應果隻？相信係冰毒未散？

Milk 攪到咁仍堅決否認 High 野？當講到你係咪想唔做？她 load 5 分鐘才答：係，一直想走又見請唔到人，所以冇心機 sale 咪跌數囉！

咁餅媽唔阻人發達，俾佢即刻走？原本帶定錢炒人，家陣慳番。

溫馨提示：

由於餅媽要親自落舖打仗 ( 家陣係旺季 )，新 Sales 未上手，所以本 blog 只能單數日更新！Curious n Biscuit 交由餅爸照顧。