貓砂推介

餅餅尿道炎又發作，懷疑係新貓砂作怪！餅爸精挑細選，上網左揀右問，終於改用呢一隻貓砂！

呢隻 Super Scoop $ 5.9 一磅、普通砂 $ 3.1 一磅、豆腐砂 $ 6.1 一磅！計落條數可以接受。

由於專攻吸屎屎味，連僻味粉都慳埋！

此砂特幼，仔仔唔會踢到一屋都係！清理上嚟，黐實一舊好易啲起！( 好似糯米滋咁樣 )

大清潔日

阿娘：係咪怪我吖？

阿娘：見餅餅病豬，咪啲佢張龍床去大清洗？Biscuit 冇得瞓幾日？

 

練大隻

誰是新玩具？

為左要乪番，自以為被忽視嘅 Biscuit ，阿娘同 Biscuit 一齊去買新貓樹，樣樣做到足！Curious 見到即刻做監工。

正當 24 孝阿娘努力鑽研，樹都未砌好，突然巳經到爭新玩具嘅例牌埸面嘞？

阿娘： 2 位大少爺，好大一棵貓樹唔去玩，竟然為左個鞋盒打交？

呢一刻見到 Biscuit 咁有精力打交，大家唔駛理佢病情？慳番 d 腦汁諗吓邊個勝出？

 2 個衰仔夾埋激佢哋嘅阿娘？到今日都仲未響新貓樹上，打過一次交？難道新不如舊！

PS：Biscuit 尿尿並未回覆正常份量，但尿頻已消失，其他身體狀態，有眼見啦！

偏心之過

Biscuit 前晚零晨 3 pm ，無端端疴唔出尿尿，不斷入廁所狂踢砂，仲發紋憎狂叫？乪極 Biscuit 唔肯瞓，天光阿娘先敢恰一陣，9 am 準時 book Dr. Mak ！

下午見到 Dr. Mak ，話摸唔到佢膀胱，可能發炎？遂驗血照超聲波。結果乜事都冇？Dr. Mak 認為餅餅情緒有問題，所以疴唔出尿尿？

阿娘：衰仔又玩野，駛吓你 d  $ 報復？返屋企左思右想，咩野樹令 Biscuit 唔高興呢？可能係以下呢件事 .....  ( 前晚發生，即疴唔出尿尿前幾小時 )

阿娘：因為開左冷氣，驚 Curious 凍親，咪叫 Biscuit 讓吓哥哥！ Biscuit 嬲到走出大廳瞓地下？

阿娘：Biscuit 食左藥好倦，即刻開多張暖床？家陣餅少有尿尿，但量就仍然好少？

阿娘：乖仔有乜唔 happy ，最多咪學寶契哥果招八両金。咪吓吓扮病嚇老媽先得！你知啦 Dr. Mak 果度 24 小時，隨時啲去就得！兩敗俱傷，你都要食藥？條數唔襟計！

親親尾巴

Biscuit 心情好嘅話，就會乖乖等阿娘起身，仲用尾巴親親阿娘隻手添！

相反係 Dad dad 就唔可以咁玩，餅餅唔通同 Curious 講掂數，一人分一個！

快樂開心豆

中秋節就到，隔離屋小朋友豆豉，專程送上月餅，加送埋個迷人電眼添，又靚又孝順仔，暈得一陣陣，抵錫 ..........

經過豆豉媽 3 個月嘅悉心照料，而家豆豉，同之前分別好大，肥左大隻左開心左叻仔左 ......

以下係豆豉嘅故事，4 歲之前豆豉俾衰人虐待。但 4 歲之後就有豆豉媽嘅愛護，改寫一生！

http://hk.myblog.yahoo.com/rubykychan/article?new=1&mid=29347

發惡夢？

零晨煲劇之際，大房突然傳來踢到窗廉嘅怪聲？心想 2 少爺做乜瞓瞓吓打交，梗係又爭床仔？

即刻標入房，準備夜半鬧仔，竟然係 ....

唔見 Biscuit 去左邊，閃得咁快？

究竟發生咩樹？

Curious 個樣仲係半夢半醒，懷疑佢又發夢打交，踢到窗廉而發出巨聲！

大少爺試過發開口夢，怪叫一聲又瞓番！