模 = 好食懶飛

呢 2 個月嘅娛樂新聞，俾班模、天使霸哂，攪到本本雜誌唔想買、唔想望。連鄭中基個美女廚房，都要杯葛唔準睇！

何謂模：20 歲 ↓、170 cm  ↓、100 磅 ↓、胸部 C  cup忄，個樣唔需要天然、學歷不計、毋須識演戲 + 唱歌 + 擺 post 、唔駛太聽話 ( 因可以推 job )

咦，一個磚頭可以壓死上萬件，街上隨手執都得！唯一條件 ---- 肯露 ----

讀書唔成，胸大冇腦，肢體健全稍微好樣嘅少女！

在有人教吓擺 post ，影吓相，稍事性感 ( 基本上三點式、小背心，成日著啦 ) ，出來打個夢遊式白鴿轉，就有過萬蚊收！好過文員、 sales 仔，捱足一個先有 $ 6000 ？

但模啊模，請問你地幾耐先開一次工？或者幾耐冇收入？幾耐冇人照顧 ( 無啦啦有懵佬送上 $ )

請問呢份絕世好工，唔係教人 --- 好食懶飛，不勞而獲，恨做唔恨撈，你同我都曾經發夢嘅思想咩？

阿娘不是假道學，在此說教！希望香港傳媒，俾 d 道德教育，唔好再教育做懶人。香港回歸以來，早巳失去前港英時代，紳士淑士式教育！我們下一代巳是港中嘅港！

今次書展年青人，早於上星六 9 號風球去排隊！打死也不相信，他們支持偶像。真正目的係搶購轉手賺錢。問下呢班友仔，同佢父母飲茶有冇咁神心？

敬告廣大讀者：

多得2 兄弟成日攪攪震，罕有儲落 12 篇稿！攪度有 d 時事話，冇機會發洩。因此，大有機會見到 1 天出 2 篇，記得多多捧場 < 時事亂嗡 > ！