一堆腦草人

請先看今天新聞一則

深圳吸毒港人：不滿加刑
港深兩地聯手打擊港人跨境吸毒，拘捕 119名吸毒港人，被扣留 15日後獲准保釋離開。

被拘留港人形容，羈留的龍崗拘留所的環境衞生非常惡劣，猶如「人間地獄」，例如多人需要共用毛巾、 60多人擠在同一房間內、衞生設備不足等。

一位女港人認為，只是工作壓力大，到內地消遣，非殺人或放火等嚴重罪行，不應獲得這樣的對待。

呢位阿姑幾十歲人，個腦生哂草。咩叫做工作壓力大，上深圳吸毒消遣吓？個個學似佢咁，世人只懂吸毒減壓，毫無生產力，只有退步至死路一條？

估計阿姑係未婚，兼夾冇仔女果隻。如果有一天仔女向阿姑，講出同一個歪理要求吸毒，本少奶寫包單，佢肯定 O 哂咀？

睇 Now TV News 仲溵氣，一個背向鏡頭嘅半白頭髮阿伯，鬧曾蔭權應拉賣毒品嘅人，唔應該拉佢地呢班無辜小市民！

如本少奶在場，一定叫阿伯早 d 死唔好害人！頭髮都白學人索 K 仔，有銀就一早幫襯食白粉、可卡因。估計佢都係 cheap 到暈！

食埋 d 80 蚊人仔一大包嘅 < K = 屎 > 粉。有腦嘅人想吓，攞多少少 Money 去做個化驗。

呢 d 所謂减壓嘅 K 仔，內裏嘅海洛英成份，淡到暈！被不法分子，加 d 老鼠藥、必理痛、玻璃粉 ( 界損個鼻快 d 入血，上腦快 d 死 )

 K 仔主要成份彔安同，五金舖賣 6 蚊支咋，傻仔！咁嘅屎收 80 蚊，食個麥當當好過，仲有錢剩添。冇腦嘅人幾時才會醒？