齊齊等阿娘

尋日同餅爸去帝苑自助午餐，食其加菲蟹、美國 1855 牛肉爐端燒！可惜個肚唔爭氣，食後 d 腸胃攪攪痛，即標去見醫生！

Curious 每次都聞度阿娘陣病除，全程待命左右！

( 阿娘心諗小病 Curious 唔會咁乖仔？今次一定大鑊，果真半夜腸抽筋，今早再睇醫生打針兼加藥，淨食粥個肚又痛！ )

平時係屋企嘅話，6 pm 派第 2 餐罐罐，太倦冇理對仔，由餅爸負責。

Biscuit：嗲嗲派罐罐，唔準時又俾得少，仲開埋 d 吾啱食嘅味道，叫爆喉嚨都扮聽唔度！

( Curious 同 Biscuit 食開嘅罐罐，係不同味道，餅爸有時分唔清，Biscuit 唔肯食，仲鈕爆發脾氣，要求再派過！)

咪肉赤

 

新芒超薄又輕身，Curious 咁嘅 size 都可以推跌，睇吓幾時爛？

好想去旅行

每年嘅 3 - 6 月，餅媽爸先至夾到時間去旅行！通常交 2 位少爺俾 2 姑媽湊！

 2009 年，貓太婆貓爺爺先後去彩虹橋，唯有閣置！今年 3 月想去泰國，有紅衫軍之亂？改去北海道咩，撞正 part-time 辭工，舖頭唔夠人？

 4 月底想去東歐，又有冰島火山爆發，歐洲航空大混亂？改為回歸祖國去西安古城，又話青海大地震板塊進入活躍期？

正如 2 姑媽話齋，只可以去日本、韓國比較安全 d ！但熟識餅媽舖頭嘅人，都知韓國真係第 2 故鄉咁滯。得番日本揀，但 5 - 6 月去冇氣氛，舖頭又未大減價，吸引力較弱？

數來數去，得番澳洲、星加坡。請問有冇朋友去過，有乜好介紹？

 

等到瞓

Curious：阿娘冇厘反應？

Curious：唔通睇我唔到？

Curious：定係扮野？

Curious：大佬呀而家 6 點幾多？

Curious：個爛鬼自動餵飼器，都唔準時開？

Curious： d 冇用嘅野，丟左去好過！

又見麥醫生

 2 個月前 Biscuit 留院，吊盬水沖淡個腎嘅殘餘藥物。食足 2 個月腎糧，今日夠期見 Dr. Mak ，檢查個腎功能指數？

Biscuit 成日紐食野，驚佢糖尿病？順手 check ！

報告指 Biscuit 腎、肝功能正常，冇糖尿病、膀胱炎。一切好正常！

唯一解釋唔度，係 Biscuit 去廁所有時會叫？(  Dr.Mak 也說不出理由 )

阿娘話 Biscuit 唔愛零食，係咪懷石罐罐 ( 餅爸買 ) 味精重，所以引致？or 鈕計？

Dr. Mak 都 O 哂咀，總之功能指數全正常，就不必太擔心！

Ps：返到屋企，阿娘親手同 Biscuit 沖涼！點知餅少狂叫表達不滿，仲企圖逃走？唯有叫餅爸郁手 ....

餅爸入到廁所，大罵阿娘白痴兼冇腦？原來 Biscuit 投訴水溫太高，餅爸見個仔 d 皮紅紅地，狂炳阿娘綠 C 餅餅 ..............

心愛嘅 Biscuit ，請原諒大意嘅阿娘！

貓毛

貓毛可做玩具？ 玩得好投入！

點餐懵