三貓合照花蕠

三貓中以Kitty小表妹係最惡！記住呢個惡字，only for 三貓中！ 

 

Kitty：點都唔夠我家姐 Mia 惡 (即 curious 大表姐)！見到Mia發惡，kitty 就 big pan！ 

 

Mia： kitty  u want to die???? 

 

Kitty：家姐，成班大監仔，哄哄貢，我係女仔人家，本能反映梗係要 wu 死佢地 ！ 

 

Kitty：講極 Mia 家姐唔多明，都係避一避 mia 穩陣 d (kitty 即入梳化底) 

 

呢個時侯， Curious and Biscuit 做緊乜？ 

  

 
 Curious：睇戲咁戲，隔寵觀火 

  

 ！

Biscuit：Kitty 又俾 mia 罰入困大籠！ 

 

Kitty：biscuit 唔準八，關你乜樹，我仲好火 ga，wu死你丫拿！ 

  

  

 

 

趙家三貓黨初次碰頭之 --- 有你冇我！

有追開 Curious blog 的朋友，都知道 curious 有個住在爺爺家的細您佬 biscuit，同二姑媽有隻小表妹 kitty，稱之為趙家三貓黨。

噚晚 curious、biscuit、kitty 初次碰頭，幾經辛苦才映到張三人合照。動用左右護法 curious mummy、yvonne堂家姐，攝影師 claudia堂二家姐，大導演大表姐 mia，四人想盡辦法才映到，真係要細心欣賞！ 

 

Biscuit：你就係我哥哥 Curious？？

Curious：乜得你咁招積，坐係屋頂裝裝貢！

 

Biscuit：而家咪跳落黍下乜料！Curious 哥哥，做乜俾人困左入籠？

Curious：咁多口水，信唔信我 "胡死你"丫拿！(curious 從來冇發脾氣胡人，mummy 驚起上黍就唔敢放 curious 出來，避免打交！)

 

世上有樣叫一山還有一山高，趙家仲有位逢男性貓都 "胡死你"的 kitty小表妹。為安全計都係眼不見為妙！

Curious：如來神掌又黍啦，另咩面穩陣 d。

Kitty：咪蝦我望唔到野，俾我開到眼你就知！

 

Curious：claudia 快手 d 映，度門打開左，我嚇到縮埋一舊！

Kitty：Mia 家姐係度兇緊我，自身難保。

Curious：Mummy，我又唔小心中咗kitty隻如來神掌！

Kitty：邊嗰叫你咁八掛，突個頭出黍搶鏡丫拿！

Biscuit：哥哥女仔唔得罪得架啦！你都串得耐！

趙家三貓黨，暫時唔可以和平共處，要分開各據一個山頭。Curious 潛水入衣柜、 

 Kitty要坐監入籠，因為 kitty 胡到好似條蛇咁露哂 d 牙！ 

 Biscuit 冇貓肯陪佢玩！周不時行來行去塭 curious and kitty。 

 

 

Curious貓貓的客人

下星期一 22th ，堂大家姐 Yvonne、堂二家姐 Claudia，將會來 curious 家中玩，並會在本大少家中睡覺。 

 所以今日 dad dad and mummy 把客房重新佈置一下。 

 

原來的電腦檯丟掉，買左一將三呎半的梳化床，唔覺唔覺客房都可放得落。客房一幅牆巳放置很多貨物，但 mummy 執執下又滕空成五呎長的床位。 

 

有左張梳化床，dad dad 可以招呼爺爺過來sleep，dad dad 和爺爺鍾意傾生意至天光，希望爺爺肯過來。三姑姐和 thomas 表弟返香港，又可以小住數天，你地話幾好呢！！ 

 

 

作為一隻有禮貌的貓貓，curious 梗係要試下張床 o 唔 ok 至得！ 

 

Mummy：curious 呢個衰仔，一向無寶不落。客廳張梳化買左成年，curious 都末坐多過一分鐘，家陣唔叫佢都自己識坐張新床，唔怪之得爺爺不嬲話 curious ，俾鬼佬 (佢以前主人)縱慣，識嘆過人！

買樓、買傢俬、被鋪、床墊，記住帶埋 curious 去，大少肯坐上去，肯定好！ 

 

Curious：各位 blog 友，駛唔駛 curious 出差幫手，人工好平，一盒小型藍罐丹麥曲奇。 

 


PS：新 icon 從 blog 友處 download 過來，係咪好得意！！多謝哂！！

Curious貓貓有個大隻仔細佬Biscuit

家門不幸，Curious 大少居然有個大細超的 Mummy，買左份新玩具俾 Biscuit 細佬，but curious 係冇份玩。mummy 諗縮數一件玩具兩兄弟玩，可憐 curious 連見既機會都冇！

Biscuit：Curious 哥哥咪咁嬲至得架，你有大把靚衫，仲有牛魔王帽，biscuit 得兩件咋！

Curious：本少爺係嬲 biscuit 細佬玩個新玩具，唔夠五分鐘，就俾佢隻孔武有力的巨掌，一掌拍爛左，連玩具係點既樣都冇得睇。各位 blog 友評下理，biscuit 係咪好大隻貓？？？

 

 

 

Curious：救命啊！

救命啊！各位哥哥姐姐、叔叔姨姨、公公婆婆！一 望Curious大少個新造型，就知Mummy病好左！亦即係Curious再度踏入黑暗的歲月！ 頂帽和頸巾係今日買，大家估下有乜特別？你地話似唔似牛魔王？？

其實本大少係扮緊一隻--- 野豬。而紅白條子頸巾有幾特別，哈！係用發光布做，吸夠光夜晚就會發光，Curious 寧願扮牛仔，都唔想似隻豬！