2011年8月2日 星期二
打工皇帝
舖頭貼紙請人好耐 , $ 27 一個鐘 , 2 % 佣金, 韓貨 + $ 5 , 美國貨 $ 20 , 每做滿 2 千有 $ 20 獎金, 如此類推 , 多勞多得 ....
別的公司仔 , $ 7300 底薪 , 要做夠 7 萬數以上 , 才有佣金 , 即係迫你每個月跑 7 萬 , 否則要扣人工 !
d 人真係唔識計 , 敝小店一個全職 ( 每星期返 6 天 ) , 求其 hea 住做都有 9 千 , 偏偏d 人唔鍾意逐件計 , 情願硬屈冇佣 ......
有求職份 CV 好勁 , 啤酒妹 + 模 , 21 歲靚女 , 但重鄉音 ! 佢話肯做 , 我都無謂教 , 唔慌做得長同滿足份人工 !
有個鋼牙人求職 , 18 歲 Form 5 , 佢話想做兼職 , 可以返星期三至日 ! 我感奇怪 , 既畢業份解唔返全職 , 就問佢星期 4 , 5 , 6 係咪要返學呀 ? 鋼牙小姐話冇學返 , 只係唔想返咁多日 , 太大壓力喎 !
親戚開 3 線名牌共 9 間連鎖店 , 亦嘆難請人 , 連佢地嘅經理級都有獵頭公司揾 , 紐計升職加人工 ! 攪到班經理以為自己好勁 , 谷到一肚氣 !
記者舊同事話 , 而家實習生仲串 , 名為返工 10 日 , 請左 7 日假 , 公司頂佢唔順炒左佢 , 影衰哂間學校 !
某報中大女畢業生 , 因名人介紹一返工編去政治組 ( 想當年小妹入行一年才能轉去此名牌組 ) , 阿姐話星期日唔返工 , 要返教會 , 叫佢準時交稿 , 就坐響個位做佢靈修工課 !
見到而家班後生 , 又靚女又醒目又精叻過人 , 老娘自感力有不逮 , 唔求自己間舖執硬 , 唯有出山從操固業 , 仲敢求佢地咩 !
2011年8月1日 星期一
遇強越強
舖頭 sales 貞又話唔做 , 佢阿姐 7 月份出 $ 9350 , 平均時薪 $ 33.3 !
對於一個剛抵港新移民 ( 來了 2 個月 ) , 25 歲有 2 嵗女兒 , 2 年冇做工作嘅人講 : 我老公話我人工低 ( 佢老公做樓面萬二) , 叫我搵番大埔區 , 因為扣除搭車飯錢 , 得果 $ 7000 蚊太少喎 !
聽罷我說 : 你已經去到 9 千, 時薪多過最低工資 ? 我俾到盡 , 你自己諗啦 ! 說後我即時叫佢明天唔駛返 !
我是個遇強越强嘅人 , 既然敝店人工咁低 , 無謂阻人發達 , 餅爸知我肯出山 , 頂力支持!
過去 2 年舖頭不斷轉人 , 最多做 6 個月又話要走 , 我巳降低要求 , 只要交到租人工貨錢 , 我都肯收條爛數 , 因為我唔係靠間舖生活 , 只想有自己嘅事業 !
這 2 年來陪多左餅爸 , 左去旅行 , 因為舖頭早巳上軌道 , 加上餅爸事業又一帆風順 , 舖頭我開始冇咁緊張 , 多與朋友相聚 , 本應快樂無憂 ....
可惜 sales 嘅質素, 鬥心 , 每每一蟹不如一蟹 , 想找個肯認真做野嘅人, 原來咁艱難 ! 個人不願被人牽住鼻子走 , 故此我決定重披戰衣 , 求人不如求已 , 直至找到一個用心工作嘅 80 後 !
各位好友要找我 , 你地識做架啦 !
訂閱：
文章 (Atom)