舖頭貼紙請人好耐 , $ 27 一個鐘 , 2 % 佣金, 韓貨 + $ 5 , 美國貨 $ 20 , 每做滿 2 千有 $ 20 獎金, 如此類推 , 多勞多得 ....
別的公司仔 , $ 7300 底薪 , 要做夠 7 萬數以上 , 才有佣金 , 即係迫你每個月跑 7 萬 , 否則要扣人工 !
d 人真係唔識計 , 敝小店一個全職 ( 每星期返 6 天 ) , 求其 hea 住做都有 9 千 , 偏偏d 人唔鍾意逐件計 , 情願硬屈冇佣 ......
有求職份 CV 好勁 , 啤酒妹 + 模 , 21 歲靚女 , 但重鄉音 ! 佢話肯做 , 我都無謂教 , 唔慌做得長同滿足份人工 !
有個鋼牙人求職 , 18 歲 Form 5 , 佢話想做兼職 , 可以返星期三至日 ! 我感奇怪 , 既畢業份解唔返全職 , 就問佢星期 4 , 5 , 6 係咪要返學呀 ? 鋼牙小姐話冇學返 , 只係唔想返咁多日 , 太大壓力喎 !
親戚開 3 線名牌共 9 間連鎖店 , 亦嘆難請人 , 連佢地嘅經理級都有獵頭公司揾 , 紐計升職加人工 ! 攪到班經理以為自己好勁 , 谷到一肚氣 !
記者舊同事話 , 而家實習生仲串 , 名為返工 10 日 , 請左 7 日假 , 公司頂佢唔順炒左佢 , 影衰哂間學校 !
某報中大女畢業生 , 因名人介紹一返工編去政治組 ( 想當年小妹入行一年才能轉去此名牌組 ) , 阿姐話星期日唔返工 , 要返教會 , 叫佢準時交稿 , 就坐響個位做佢靈修工課 !
見到而家班後生 , 又靚女又醒目又精叻過人 , 老娘自感力有不逮 , 唔求自己間舖執硬 , 唯有出山從操固業 , 仲敢求佢地咩 !
1
回覆刪除2. 輸比甘太 =.=.
回覆刪除求人不如求己
回覆刪除蛇咩媽, 唔該下次請早
回覆刪除餅媽，唔好咁勞氣。要小心身體，唔好咁粗勞。
回覆刪除依家啲香港人真係唔知嘜嘢心態
回覆刪除我今日黎見工丫.... 你請唔請我先?
回覆刪除[版主回覆08/03/2011 03:00:00]咪玩野呀銀行大班
現在是人又搵工..工人搵人..
回覆刪除現今的年輕人都唔捱得 做多少少就話辛苦 原因就係由細到大都有人服侍 到大個咪玩多過做囉
回覆刪除唔明新一輩咩心態? 除左有錢人,邊個初出矛爐年青人係唔使捱架???
回覆刪除都真係唔知D人諗咩~
回覆刪除唉，老闆真係唔易做，但加油呀！
回覆刪除朋友公司仲攪笑...請左位有錢女
回覆刪除有日有錢女話「司机放左假今日返唔到工」
聽完笑到禾肚痛 ...
同小妹知道差不多. 少少壓力也說不點. 真的笑死!
回覆刪除又話香港失業率高 ???
回覆刪除