嚇壞契媽

噚晚契媽，漏夜挾左小 bo 去睇 Dr . Mak 急診？初步檢查，寶契哥身體冇乜唔頗，只係唔肯食飯！

http://hk.myblog.yahoo.com/cancan_01oct/article?mid=22365

點知林小 bo 少爺，返到屋企就哎肚餓？懷疑契媽屋企隔離裝修，小 bo 可能嚇親，鬧情緒病！

契媽今朝早返工，寶契哥流露依依不捨嘅眼神，捐落梳化底，唔肯出嚟！攪到契媽個心囉囉攣，返工都冇哂心機，收工即刻撲去見 Dr .Mak ！

http://hk.myblog.yahoo.com/cancan_01oct/article?mid=22397

Biscuit：我哥哥都試過玩野，絕食 2 個禮拜，只因爺爺掉走 Curious 坐開張大班椅！

阿娘帶哥哥睇左 3 個醫生，最後 Dr. Mak 認為係抑鬱症，開了鎮定劑、開胃丸、中和胃酸藥，就醫好左趙家大少爺 Curious ！

餅媽：小 bo 、Curious 、Biscuit ，你地明蝦貓媽媽。郁吓唔食野、又話冇 Mood 唔肯玩，係要駛 $ ，先至令阿娘安心！

最慘阿娘會緊張到瞓唔著，不斷想辦法，推測各位少爺小姐，哪裏有問題！

阿娘同契媽年紀唔細，唔多嚇得！失眠會令血壓上升，諗得野多會生瘤添，到時冇人照顧你地，仲煩！乖啦 .... 唔好玩野 ....

 

 

 

等餐懵

 

2 項鐵人

 7 月 22 日開始積極減肥，早 GYM 、晚游水，至今   45 日，稍見成績！

  7 月頭生日影

 睇番都幾恐怖！

噚晚發牙痕叫餅爸影相，居然有 d 改善？

不過離目標差 20 磅，繼續努力。會所泳池全天候開放、GYM 收零晨 1 點，邊有藉口偷懶。

呢排癲左玩 2 項鐵人，做完 GYM 即去游水，今日又試左，OK 唔太倦，個人仲好精神添！

怪僻發

但凡阿娘係廁所，辦理個人人生大事，Curious 一定抓門，要見證每一個歷史時刻！

真係唔明 Curious 係乜野心態，試過唔俾佢入，幾乎要抓爛度門咁滯？

殺手鐧 2

攻擊戰艦隊後，Biscuit 紐肚餓有第 2 招殺手鐧？

好哥哥

Biscuit：尤其係阿娘迫我減肥，冇啖好食！

西洋仔發少

 Curious 對英語片集，特別有反應，可能同上一手主人，係外國人有關！

( 按：Curious 歲半後俾 Dad dad 領養 )

 Curious 鍾意食貴價芝士、安格斯牛扒、龍蝦、西洋湯水，估計係洋人教落。

有時高檔薯片、果仁、嘉頓香葱餅、珍珠提子、有機蕃茄仔，Curious 會主動過來，lam 幾吓！爺爺生前，叫 Curious 做西洋仔。

梗係啦發少，阿娘冇咁多閒錢，買 d 上品俾你做零食！同 Biscuit 細佬分啦 .....