求真原來咁艱難 ?

作為一隻香港嘅蟻民 , 只有發表意見自由 , 影響政策根本是不可能嘅任務 !對此蟻民早巳默默接受 !

作為一個退役記者 , 慶幸當年選擇正確 , 今天的新聞報導 , 究竟真確程度有幾多 ? 蟻民少點智慧也難判斷 ? 何況要遺背良心去做一個幫兇 ?

政府發表嘅 < 民意 > 數據可以是假 ? ( 梁特首支持度升 5 % , 但街市波菜蓮 , 的士梁 , 都唔支持 ? 中產更 9 萬人上街 , 5 % 係邊度走出嚟 ? )

大話班子嘅假大空頭支票 ? ( 呢 0 雙飛大家話佢做到野果 d 無知婦孺要開聲 --- 將支票提都唔敢提 ? )

今天頭條執 2 攤嘅發展局局長 Ball 叔 , 落釘建劏房 , TVB 居然視而不見 ? ATV , NOW 都有跟進報導 , 作為大哥台 , 唔肯講真話 ?

新聞 , 廣告咁多假 , 劇集又植入式洗腦 , 改看奧運啦 , 體育精神為國爭光 , 斷估唔可能假 ? Sorry law , 今日爆出中國 , 南韓羽毛球隊 , 為求走線避對手 , 居然出到發球掛網呢招 , 真係甘拜下風 .....

求真原來咁鬼難 ? 每日生活係謊言嘅世界 , 蟻民求真唯有訴之於面書 , blog 上嘅網絡世界 ! 現時判斷一宗新聞 , 除看左右立場嘅報紙媒體外 , 蟻民也要多看 Youtube , Facebook 嘅聲音 !

你會認為攪咁多求真 , 不如食多 2 碗飯啦 ! 但當每個人都存有這種思想 , 那麼人與人間嘅話題 , 就只有吃喝玩樂 , 個人嘅真感情 , 存在於那個空間 ?

你們真心接受這般麻木的感覺嗎 ?