2011 發少有腎病

Biscuit : 哥哥又嚟 Dr. Mak 度攪咩 ?



呢期 Biscuit Meow 爆縲野食 , 唔比就走去屎坑踢砂 , 大腳大腳咁踢到 d 砂反彈 !

有時又會尿急咁頻頻入屎坑 , 邊疴就邊叫 , 有次仲特登係門 la 度 , 裝吓阿娘有冇反應 !

須知道貓疴尿哎 , 係代表尿道炎痛痛 , 阿娘每次都好小心檢查屎尿 , 又正常喎 ?

眼見皮皮突然離去 , 都係捉對仔去體檢 .......

Curious : d 人大驚小怪 , 最衰你成日喱係屎坑大哎 , 累街坊 ! 而家冇啖好食 !

Dr .Mak 聽見 Biscuit 話疴尿哎 , 就唉吔左一聲 , 的走 Biscuit 照 X - ray , 超聲波 !

結果照出一大舊屎 , 膀肛冇事 ! 腎 , 胰藏亦冇發大 .... 除左會急屎外 , 好健康 !

當然餅爸追問 Dr .Mak 何解 Biscuit 疴尿會怪叫 ?

Dr. Mak 直指佢屋企 2 隻貓 , 一唔高興都識發脾氣 !

唯有開 d 情緒藥 , 尿道藥 , 止痛藥俾 Biscuit 睇吓門口 , 最緊要個腎功能正常就得 !

Biscuit : 哈 , 俾 Dr .Mak 踢爆我添 !

相反 Curious 嘅報告 , 發現佢嘅腎指數偏高 , 距離腎衰竭嘅邊邊 !

腎石可切割 , 腎發炎可打針 , 基本上貓貓腎衰竭係絕症 , 冇藥醫 ! 

 Curious 暫時指數係 mind , 血液內有好多雜質 , 唔可以用食藥分解 , 要用腎科專用糧及罐罐 !

KD 腎糧幫助清洗雜質 , 減輕腎功能及心臟嘅負荷 , 令雜質自行排出體外 , 同時要多飲水 .

 Curious : 呢隻就係 KD 腎糧 , 味道唔錯 , 細細粒易入口 !



Curious : Dr.Mak 話以後唔準食雞粒 , 天然糧 , 葉脆脆 , 一個月再覆診驗血 !



下半生要食 KD喎 , 望見都 dry ,,,,,,,,.........

啱啱至入左一箱 Almo light , 自動過户去何新叮度 ......

罐罐雞粒葉脆脆 , 各位姨姨可以買少餅家果份 , 多謝大家 !







為免 Biscuit 都有腎病 , 餅家商議過後 , 由爹爹負責出糧 !

乖仔以後點喵 , 阿娘都唔可以心軟 ! 頭先 Biscuit 紐左 3 粒鐘 , 先派幾粒濕吓口 ,

天寒地凍肚仔唔飽 , 叫餅餅點瞓得著 .... ( 慈母梗係敗兒架啦 ) 一家之主命難為 ,

個心赤死餅媽了 ..................................................