2011年12月31日星期六

Curious : 妖 , 得我一個傻仔咁款 !

Biscuit : 哥哥 , 咁收唔收貨 ! D 衰野統統走 !

2011年12月29日星期四

我要哥哥

Biscuit 自從係醫院返屋企之後 , 特別黐人 !

Curious : 細佬成日黐住我 !

Biscuit : 好冇安全感 !

Curious : 行一步跟一步 !

2011年12月28日星期三

Curious 坐得咁辛苦呀 ?

Curious : 好驚跌 , 又暖唔正個 pat ...

Curious : 細佬病 , 又受過幾騼 , 咪讓張暖床俾餅餅瞓 !

Biscuit : 肚仔冇毛好凍架 ...... 哥哥唔同我爭用暖床 !

要檢查胰臟 , 剃到好上 ......

仲有吊鹽水隻手仔 , 好腫 ..阿娘骨隙都赤埋 !

Biscuit 食少左野 , 又瞓多左 , 希望係抗生素藥令餅餅倦 , 而唔係其他 !

原定要上大陸公幹 , 阿娘都推遲 , 今日全日留係屋企陪 Biscuit , 等佢瞓多 d , 養病 !

受過的餅餅

餅餅返屋第 2 日 , 出奇地乖 , 冇搏命紐食野 , 就算螺 ,
餅爸細細聲話 -- 唔得 ! Biscuit 就自動收聲 !

今日仲首次同阿娘頭黐頭 , 一齊覺覺豬 !

Biscuit : 我係醫院果 4 日 , 真係好慘 , 似足臭格咁款又冇淡好食 ! 有 6 個重症院友 , 3 個插住胃喉 , 我隔離籠個叫 Lucky , 佢係街貓俾好心人救左 , 受細菌感染一隻腳截斷 , 原本出得院又唔好彩跌親個下巴 , Dr. Mak 免費醫 , 成 4 個禮拜都未好得哂 !

阿娘 : Lucky 同 Biscuit 好似有交流 , 我探餅餅時 , Lucky 會伸個頭出嚟 , 喵喵咁打招呼 , 可能佢話左俾 Biscuit 知 , 做街貓有幾慘啦 !因為 Biscuit 領養嚟餅家巳經有 5.3 kg , 估計係一隻走失貓居多 !

Biscuit 好似減少 d 少爺皮氣 , 受過係乖左 d .......

2011年12月27日星期二

餅餅出院

Biscuit : Dr. Mak 話我好精神 , 出得院呀 !

Biscuit : 等咁耐架 , 臨走要見多次 Dr. Mak ...

Biscuit : 多到屋企就放我啦 , 好趕呀 ....

Biscuit 有潔僻 , feel 到自己係臭豬一隻 !

Biscuit 其實係醫院巳經好倦 , 4 日冇覺好瞓 !

http://www.youtube.com/watch?v=jdU-h2zrFY0

留院第 4 天

噚晚上網找胰臟炎資料 , 知道胰臟炎好容易奪命 , 即時放聲大哭 ,
把芥蘭罐嚇呆 , 豆丁即刻 Ac 餅餅叫佢自己食野 !

AC 對話

我：餅餅，媽媽擔心C，好唔開心！你係真係無胃口，定係玩嘢心情唔好呀？

餅餅：......我本身係唔開心，但到E加見到又唔多想食lu！

我：但餅餅，唔係講玩架，唔食嘢係好危險架，你唔想返屋企咩？

餅餅：我想架，當然想！但以加見到又唔多想食！呢到D嘢都唔好食！又嗅！

我：我哋個個都鐘意見到餅餅開心食嘢嘅樣架，所以你食啦！你想食咩呀？

餅餅：我好多嘢都鐘意食架！罐罐啦！

我：咁以加有你又唔食？

餅餅：都話唔鐘意呢到！佢哋好衰，係咁攪我架！

我：OK OK，明白，但因為你唔合作，所以佢哋至會咁！你乖乖啦，食啦，食到好似以前鐘意食咁，乖啦！

餅餅：好味我就食啦！

今日 Dr. Mak 來電 , 話 Biscuit 肯主動食 , 雖然出院有望 ,

但警告胰臟炎隨時再返發 , 要留意佢有冇晤食野 , 嘔黃色嘅水 ,

最重要一定要减肥 , 低脂最好 , 因 Biscuit 9 歲屬中肥貓 , 好易有呢個病 ...

同時 Biscuit 個腎亦在腿化中 , 我知道 Biscuit 可以留在我身邊日子不會太長久 ,
無奈咁流淚中 , 2 個仔我最錫係肥仔 , 我唔知點面對現實 ,暫時接受唔到 ....

2011年12月26日星期一

入院第 3 天

剛從醫院回來 , 又 force feeding 鬥斗一小時 !

初時 Biscuit 見到醫生 , 知道唔食野 , 脂肪会轉化成能量 , 一時間大量脂肪湧往肝 , 負担過重 3 日就形成脂肪肝会冇命 ,

Biscuit 即刻係 Dr . 面前自動食 5 % , 但轉頭又要逐粒餵 , 即係個胰臟仲痛痛冇胃口 ....

護士姐姐話貓好忍得痛 , 唔肯自動食野 , 就表示真係好痛 , 唔似扮野紐計 !

唯有將 Biscuit 好似 bb 咁用毛巾包剩個頭 , 逢 2 進一 , 頂番一粒出嚟又郁身郁勢 ,

隔離位 2 隻食哂佢都未食完 , 曳到冇朋友 , 有幾個院友都出咗院 , 剩番 6 個重症係度 ,

3 個 force feeding , 3 個插胃喉 ! 希望各位都快 d 出院啦 ,

明天 Dr. Mak 返工 , 問吓佢 d 藥係咪唔啱 , 點解 Biscuit 有精神但唔肯食呢 ?

2011年12月25日星期日

餅餅唔肯食野

醫院打嚟話 Biscuit 唔肯食野 , 叫爹娘早 d 去乪食 !

私傢碗私伙 Almo light 罐罐都唔俾面 !

醫生警告 Biscuit 再唔食會變脂肪肝 , 一旦形成個肝會爆烈而死 !

阿娘大驚 , 決定 Force feeding , 強行將乾糧逐粒窒落 Biscuit 個口 , 一餐約 80 粒 !

餅爸負責窒 , 餅媽就捉實肥餅 , Biscuit 又周身郁 , 用左一粒鐘先餵完 !

餵完爹娘似足打完仗 , 一地都係 Biscuit 吐番出嚟嘅糧 , 倦到爆 .....

Biscuit : 食飽飽 , 仲唔玩 C 2 條老柴 .....

http://www.youtube.com/watch?v=86Xee_p-f5w

下午餵左 1 餐 , 但擔心左一日 ,

因為 Force feeding 後 , 如 Biscuit 嘔番出嚟 , 就唔係好現象 !

晚上再餵時 , 護士姐姐話 Biscuit 冇嘔 , 有屎尿添 !

目前 Biscuit 仍要打滴滴 , 內有抗生素 , 止痛藥幫個胰臟消炎 ......

要餅餅自行食糧 , 才出院有望 ... 大家認為 Biscuit 精神如何 ?

http://www.youtube.com/watch?v=U42_fcpjF0c

2011年12月24日星期六

財散爸媽貓安樂

Biscuit : 你地唔好出年先嚟 ?

Biscuit : 唔好咁多嗲 , 我要出院 !

Biscuit : 我好精神 , 唔駛係呢度 !

Biscuit 係醫院度 , 花名叫 Angry Cat , 所以成個籠圍哂冇同塾 , 驚佢撞牆喎 !

Biscuit 經驗血 , 超聲波 , X ray 大輪測試 , 係胰臟炎復發 , 故此要吊抗生素等藥物 !

由於 Biscuit 唔肯食野 , 對個病好大影响 , 如果貓 3 天唔進食 , 就要插胃喉 !

情況頗為令人擔心 ..... 但 Biscuit 精神唔差 !

Dr. Mak 準許 Biscuit 做 Buffert 測試 , 佢鍾意食乜都俾 ....

初步餅餅只食左 10 % ! Biscuit 入院前唔止呢個份量 ! 希望佢紐計罷食 !

由於胰臟炎病情可以變化好大 , 暫時唔知幾時出得院 .... 擔心 ing

大家睇吓 Biscuit 係醫院好夠中氣 !

http://www.youtube.com/watch?v=z_n72e7RO8g

一年一度餅歸來 ( 入院 )

Biscuit 每年呢段聖誕新年 , 例牌又病一鑊 , 入醫院駛吓爹爹 d $ ......

今夜又要留院打滴滴 , 而家醫生幫佢照胰臟 , 驗血全餐 ! 3 小時有報告 call 番阿娘...

明早 Dr. Mak 返工就做超聲波全餐 , 確定腎 , 心臟 , 胰臟有冇事 ?

Biscuit : 又留住 , 我玩吓野 , 阿娘咪咁認真 !

Biscuit 今日晤食晤飲水唔疴屎尿 , 條尾 Dup 哂 , 行路腳震震 , 又四腳冷凍 !

連佢最愛 Almo 晤食 , Laser point 唔玩 , 又晤願郁 .... 初時以為佢紐阿娘計 ,

但等到夜晚唔多安心 , 以為 Biscuit 食滯左腸胃敏感 , 咪入院 check ,

點知 Biscuit 以前有胰臟炎 , 腎病 record , 所以都係留院穩陣 d !

Biscuit : 我係 Dr. Mak 度自動變身 Angry Cat ! 收留我 d 護士有排受 ....

西洋醫生初步檢查 , Biscuit 冇發燒 , 個肚仔好漲 , 狀況 -- so far so good !

明明係 Curious 有事 , 何解攪到肥餅留院 ?

Curious : 我有神功護體 , 梗係有 d 細頂啦 !

剛收到醫院來電 , Biscuit 血報告正常 , 胰臟正常 , 稍後再做膀肛 X ray , 明日全面超聲波 , 追查病因 , 暫時 Biscuit 好乖冇玩野 , 但冇尿屎 , 餅媽仍好擔心中 ......