為匯控平反

匯豐控股，遭大行唱淡，股價創十年新低至 $ 55 ！

阿娘沒有沾手股市，但作為一個香港小市民，看著 5 號仔，俾人連質 7 日，甚感悲痛！

昨夜外家親人吃團年飯，貓姨婆表示，上個月 $ 78 買左坐艇。貓舅公仲慘，帳面唔見左一球！佢地都是典型香港人，買匯豐只想收息。

連貓契姨媽，前年以 $ 130 買左，輸幾多都唔識計！

 5 號仔一直係港人愛股，18 世紀未創於上海，立根於香港，八十年代遷冊至英國！一路以來嘅表現，與我們息息相關，與不同年齡嘅港人，共同成長！

匯控出名保守嘅投資，雷曼嘅產品也沒有出售。

一間有責任感銀行，受到金融海嘯嘅拖累，需為呆壞帳撥備、債仔破產冇錢還，種種不利因素下，被有心人唱衰！事實上匯控，真的毫無投資價值？

阿娘不是投資專家，但是買股票要看老闆品性。老闆不務正業只懂炒賣，不是真正嘅實業家！以匯控優質嘅管理層，長遠仍有發展空間。

 5 號仔咁跌真係唔明，到底係財經演員，隨波逐流人唱佢又唱？還是芬佬合謀，做世界食大茶飯？