崩牙餅餅

晨早帶 Biscuit 見麥醫生，餅餅左耳藏大舊耳屎，導致頭仔經常痕！最大鑊係 Biscuit 左邊門牙崩了，正發炎中，必需脫掉！

Biscuit：吓要脫牙？好鬼痛！實變崩牙餅！

下午巳經可帶 Biscuit 返屋企，消炎、止痛、開胃丸、滴耳水，連手術費 $ 1257 。駛錢事少，反而擔心餅餅牙仔、耳仔痛，會唔開心！

Curious：阿娘少憂心啦，睇下 Biscuit 個猴擒樣，2 分半內，lam 晒 5 個貓碗。食完廚房嘅罐罐，走出客廳，抄埋 d 乾糧，來回食不停，似剛放監嘅貓？

Curious：細佬脫左隻崩牙，家陣無發炎，咪發狂吞食囉！阿娘仲話驚 Biscuit 痛痛，唔肯食。買左蝦仔、雞肉鬆俾佢嘆，順便用作餵藥喎！

Biscuit：阿娘唔好講住，我要食魚扒，定驚

Ps：好怕 d 小朋友受苦，麻醉藥過後，Biscuit 表現悶悶不樂。而且零晨 2 點都瞓唔著！雖然俾左止痛藥，但餅餅好似唔自然，唯有幫佢掃掃下巴 n 耳仔。