見阿旺陶醉響 Pet Music 中，終於今日起行買番一隻。搭了 50 分鐘 MTR，去到太古站！
以為 OIC 係太古城中心，花上 45 分鐘，問左 10 個路人，加 Dad dad 電話教路，終於找出 OIC 位置！
原來係太古 MTR B 出口，太古小學後面嘅太吉樓地下。滿心高興去到 OIC 門口，要買 CD、Dabird！
乜鬼野寵物店，只開星期六、日 3 to 7 pm，加星期三 1 to 2 pm ？離哂大譜 
熱到一身臭汗，為乜？
2008年7月31日 星期四
2008年7月30日 星期三
2008年7月29日 星期二
點解會崩牙？
Curious：望住我做乜，細佬崩牙，與本少爺無關！
Biscuit：哥哥成日腳仔撑撑，實係 Curious 所為！
Curious：有證有據，唔好姓賴！
Curious：健全牙齒，清楚見到門牙。
Curious： 6 月 5 日出嘅卜相，細佬一早變崩牙仔。
阿娘：Biscuit 崩牙，好可能係細佬做街童嘅時候，同貓貓打交整斷左！
Curious：細佬食乾糧，周不時漏左幾咪出嚟！
阿娘：Biscuit 食野係冇，就吞落肚，可能係牙仔發炎影響。( 佢嚟趙家經已係咁 )
Curious：還有細佬時不時喪叫，唔通牙仔痛！
Biscuit：懶叻，早知又唔話俾阿娘聽！
阿娘：睇下 Biscuit 隻大門牙腳，成粒麥米咁大！
Biscuit：俾麥醫生剃左一忽手毛，個洞洞勁怪！
阿娘：至於左耳大舊耳屎，早係舊年 11 月發現。亦懷疑 Biscuit 街上日子積聚落黎，因為太深入，要透過手術挖出來。
餅餅表面病徵：成日用左耳，擦落牆角，近來次數頻密、有時又喪 fing 頭，為安全而做手術。
Biscuit：各位貓媽媽，不要被小餅子耳仔手術嚇親！平常去打防預針見醫生，順便檢查下就得。
洗耳仔？阿娘甚少做，醫生話我右耳好乾淨！
2008年7月28日 星期一
2008年7月27日 星期日
崩牙餅餅
晨早帶 Biscuit 見麥醫生，餅餅左耳藏大舊耳屎，導致頭仔經常痕！最大鑊係 Biscuit 左邊門牙崩了，正發炎中，必需脫掉！
Biscuit：吓要脫牙？好鬼痛！實變崩牙餅！
下午巳經可帶 Biscuit 返屋企，消炎、止痛、開胃丸、滴耳水，連手術費 $ 1257 。駛錢事少，反而擔心餅餅牙仔、耳仔痛，會唔開心！
Curious：阿娘少憂心啦，睇下 Biscuit 個猴擒樣，2 分半內，lam 晒 5 個貓碗。食完廚房嘅罐罐，走出客廳，抄埋 d 乾糧，來回食不停，似剛放監嘅貓？
Curious：細佬脫左隻崩牙，家陣無發炎，咪發狂吞食囉！阿娘仲話驚 Biscuit 痛痛，唔肯食。買左蝦仔、雞肉鬆俾佢嘆，順便用作餵藥喎！
Biscuit：阿娘唔好講住，我要食魚扒，定驚
Ps：好怕 d 小朋友受苦，麻醉藥過後，Biscuit 表現悶悶不樂。而且零晨 2 點都瞓唔著！雖然俾左止痛藥，但餅餅好似唔自然，唯有幫佢掃掃下巴 n 耳仔。
2008年7月26日 星期六
又要見醫生
Biscuit：話左唔準插眼，哥哥都唔錫細佬！
Curious：嚟真，邊有咁多糧餉俾細佬睇醫生？
Biscuit：隻眼仔圓番冇事，我整蠱哥哥咋！
Curious：But 我偷聽到阿娘，幫你 book 左 Sunday 見麥醫生，仲話要空肚 12 小時，唔準飲水 3 小時，準備做麻醉手術。
Biscuit：阿娘乜野咁大劑？嚇到我條尾樹哂！
阿娘：你耳仔遭遭，成日抓，醫生幫你麻醉後洗耳仔。手術基本消費七百，係要駛晒 d 錢才安樂！
Biscuit：揾地方喱有著數，間屋咁細入唔到！
Biscuit：唔係嘞，早 d 喱埋，冇人揾到！
Curious：今云大獲呢？睇下個腩仔有冇肥膏，捱餓頂唔得幾耐！有排冇糧出，紥豹乎！
2008年7月25日 星期五
寂寞 Kitty
Biscuit：fee、fee，最衰係哥哥！嚇親 Kitty 表妹！
Curious：你唔去 2 姑媽度，住夠 20 日先返黎，陪吓 Kitty 囉！
Kitty：富表哥、發表哥，唔好打交啦！
Kitty：爸媽同 Mia 家姐，出門成 20 日，有工人姨姨朱莉雅陪我，話晒自己屋企，好過去爺爺度呀！
阿娘：但係 Kitty 頭先仲喱響梳化底，見到我地至出黎，唔怕講架，朱莉雅有冇蝦你？
Kitty：冇！但唔見左 Mia 家姐，有 d 唔慣！
阿娘：食 d 魚仔干定驚，我會多 d 上黎探你！
Curious：打咩交，Kitty 表妹都話冇事！
Biscuit：哥哥又整親我隻眼，$ 550 醫生費，係你糧餉度扣！實行餓 C nei ！
2008年7月23日 星期三
訂閱：
文章 (Atom)