劉華一句：今時今日，咁嘅服務態度係唔得架！日積月累咁，造就一批橫蠻無理的顧客！小 sell 屎手記，就係要為天下間，忍氣吞聲地，提供劉華式服務的 sales ，平反一下！
率先同大家見面係 ----- 求你講清楚
售賣中檔飾物舖 sales 奇報料：
試過有個顧客，花上半個小時，選購一條 $ 700 的銀手鏈，送給朋友！
遂將手鏈放入禮物盒，配上絲帶花包裝好，到俾錢果一刻，那名顧客突然改口要！
大家估下理由係乜？
A ) 間舖收幾點，我夜 d 返黎，hold 起佢先！
B ) 咁貴有冇折，唔俾折我唔買！
C ) 你地有冇八達通？
D ) 你個禮物盒唔夠靚，我都係唔要嘞！
E) 條鏈 d 水晶閃得滯！
F ) 今日帶唔夠錢，遲 d 再黎過！
係咪覺得上述理由，都可能係呢！冇錯，因為部份人，想甩身就會咁答囉！係呢宗個案，真正理由係 D 。
sales 奇補上一句：如果認為個盒唔夠靚，可買左先，自行再選購其他包裝盒。但最終 sure is 失敗！
精明的顧客，當認為物非所值、或婉拒 sales 熱誠的招乎時。不妨直接講一句：我想諗下先！就已有力地表明，不買的意願！小 sales 一定會放過你架！
轉彎抹角，令小 sales 滿懷希望，只會繼續同你糾纏呢！
