冇佢地咁好氣

 Biscuit 成日撩慶哥哥，攪到 Curious 叫救命！

果頭叫救命，喝住 Biscuit 停口。Curious 轉頭又細佬 friend 番，仲一齊玩紙盒添？吹脹 .......

好番唔夠半粒鐘，又話要比武。發記李 3 腳， VS 富記無影腳！輪到 Biscuit 喊救命？

日日咁鬧仔法，阿娘就嚟冇哂氣！

對衰仔日日打餐飽，一時 Curious 叫救命、轉頭又到 Biscuit ，輪住叫阿娘幫拖。一出口鬧仔咩，趙家大老爺，就罵本少奶煩！咁究竟救唔救個仔好丫？

 

照爭可也！

個電腦箱咁窄都坐得落？

特登放直個箱，就係唔想 2 兄弟打交！

咬到 Curious 哎救命，唯有插手阻止。

真係難為了個電腦箱！

認真誇張

今日精神好番好多，即刻諗起豬流感。電視、報紙日日咁吹，點都要準備吓！

樓下有 2 大超市、屈臣氏、萬寧、吉之島、日本城 x 2 、藥行 x 4 ，診所全部口罩都斷貨。

急 call sales Milk 係旺角買，當然屈臣氏、萬寧一定冇，找相熟藥行，才買得最後 3 盒，真誇張！

一盒放舖頭，應該夠嘅！何況口罩供應，屬暫時性缺貨，明天有補給！

趙家都要進入戒備狀態， 2 兄弟即日，嚴禁走出走廊，行街免問！

孝順餅

呢幾日情緒波動，Biscuit 一直傍在身邊，有時更主動同阿娘擦頭仔，果一刻真的感到心甜！Biscuit 嘅安慰，尤勝萬種良藥。

今晚收拾心情外出吃飯，順道帶 Biscuit 鍾意嘅白切雞，俾少爺仔品嚐！

吃了藥，平靜很多！阿娘估不到自己嘅反應，比 Dad dad 強烈！或者月頭剛完成貓太婆嘅喪禮，月尾就輪到貓爺爺！

一時間太多感觸，不過阿娘可以頂得住，大家不必擔心。網誌將如常每晚 11 點出版。

阿娘狀況

別了爺爺

爺爺走時樣子安祥，眾子孫都在身旁，哭著送別！

死亡，是另一段人生、另一世界嘅新生活！我們終會在彼邦重遇！

對於後世嘅人，我們有無窮嘅思念。唯有堅強活下去，是對先人嘅尊重和報答！

遺憾病床來得遲，爺爺沒法享用！

阿娘視爺爺為大恩人，在他鼓勵和幫助下，開始接觸生意！每天靜聽爺爺談生意經，獲益良多！如何以客為尊、信守忠誠嘅原則！阿娘深感受用。

爺爺還記得病床前對你的承諾，趙 x x 有我照顧，可放心！你最叻最勁，教出 5 個獨當一面嘅仔女，全部揾到食，你已冇遺憾，可以安心走！我會幫助你，提醒佢地要團結！

爺爺突然呵了一口長氣，像巳收到這段說話！冇耐個心電機就響了！同奶奶攜手並肩，拍拖遊埠嘞！

阿娘：沒有太大嘅傷感，畢竟 82 歲，過了一段精彩人生，教子孫一世受用！最重要我們早有心理準備，接受事寶！還有爺爺安祥沒痛苦下走！

天殘腳有救了

骨科醫生話阿娘嘅足根膜炎，病情反覆發作！成因係天生菠蘿蓋歪，導致行路會長期磨損軟組織，拖到落隻腳度發炎！

但絕對有得醫，如要可永久根治。可先行做物理治療2 個星期！再唔得就打骨膠原入菠蘿蓋度，加強旁邊根肉嘅柔軟度，最後可選擇做微創手術。

今次大家真的可以放心！

阿娘：原以為冇野可攪，諗住痛吓就算。最多坐輪椅，但舖頭、 Daddad、Curious、Biscuit 就冇人照顧，典算？

Biscuit：初頭真係好擔心，睇唔通前景，令小兄弟最憂嘅冇左佢！

PS：呢幾日，阿娘家有要事，暫停巡 blog 探各位老友！但串爆貓兄弟供稿不受影響，照常每日更生！

夜半影寫真

阿娘：Curious 全日厘埋梳化底瞓覺，同大家 say Hi 啦！俾人見多 d ，好嗎？

阿娘：寫真點少得 Biscuit 果份？

Biscuit：阿娘顛左，零晨 2 點走嚟玩寫真？

阿娘：乖仔好合作喎！

阿娘：Biscuit 正想發脾氣走貓之際 ......

Biscuit：下 .... 下 ....次唔好嘞！

阿娘：話之貓奴點影，瞓覺最緊要？

餅餅做食評家

究竟食評家 Biscuit 認為有幾好味？睇相就有答案！

咀 lam lam ，lam 個不停！

阿娘： Biscuit 罕有地，俾 Dad dad 影到 4 張，不同角度 lam 咀相，證明算係好食！