垃圾變廢資訊

開頭以為自己愈老愈厭尖，還是患上都市病 --- 抑鬱症？點解 2 個老野，返到屋企居然極少開電視？

除左 < 畢打自己人 > 、< 香港亂噏 >、< 新聞 > 時段之外，個電視基本係 Off or 用來上綱睇土豆？

直至聽到蕭若元，係城市論壇咁講，才確定 2 個老野冇病，正常個正常！

蕭生講得絕對有理！TVB 那種強迫性、劇集廣告化 ( 所有節目都可看到贊助商產品，近期東張西望，晚晚整個俾大陸投資者，才會買嘅豪屋 )、資訊咸濕化 ( 美女廚房 ) ，果種粗製濫造，惡頂到唔駛錢都唔要！

想聽吓收音機，商業一台 < 情朗 > ，講棵樹講足一個禮拜？森美小儀、艾 Love ，點解淨係得笑聲？李慧玲懶音好惡頂？陶傑歪論太牽強？肯聽入耳得番新聞、< 18 樓 C 座>！

ATV ( 早晚 3 節目也叫媽媽乜乜物物 ) 、港台 ( 中立化 ) 、新城 ( 日日教人入股市賭錢 ) 不提也擺。

俾錢睇收費台？ TVB 將 d 節目，係高清、收費、免費大兜亂，做左 18 個月傻仔？有線電視又裝過，合約一完自動每月收 2 舊，即 cut ..... 還幸有個 Now TV ，網上電台頂住！

可憐香港貧苦大眾，強迫接受垃圾變廢資訊，日夜咁毒害我們下一代？難怪小朋友，細細個對住個電腦大，電車男、宅女，將數之不蓋！

正如城市論壇講者話：上海有 70 幾拾個電視台，絕大部份資訊節目，小朋友睇呢段長大，日積月累咁吸收！反之香港小朋友，可以睇 d 乜？

Ps：今篇 blog 會擺 2 days ！

預防尿道炎貓砂

豆腐砂大粒 d ，廢事少爺仔錫到一屋都係幼砂粒！

但發少明顯唔多 like，唔肯用豆腐砂開大？唯有加多一種幼砂！

呢隻砂 4 L 但全袋好輕身，濕左才會變重身！少爺發將就吓，俾面用落去？

結果 d 砂係 3 溝。豆腐砂、防尿道炎砂、蘋果味幼砂！有乜辦法唔咁滋整，少爺發唔肯開大啊？

變型金剛

加拿大嘅 Thomas 小表弟，得 4 歲半人仔，勁愛變型金剛，日日自己上 Youtube 睇 Transformers！

咁啱香港商場展出 1 比 1 嘅Transformers，梗要影低向 Thomas 交差！

而家先發現，部 320 萬像手機，影出來嘅相都唔錯！

模 = 好食懶飛

呢 2 個月嘅娛樂新聞，俾班模、天使霸哂，攪到本本雜誌唔想買、唔想望。連鄭中基個美女廚房，都要杯葛唔準睇！

何謂模：20 歲 ↓、170 cm  ↓、100 磅 ↓、胸部 C  cup忄，個樣唔需要天然、學歷不計、毋須識演戲 + 唱歌 + 擺 post 、唔駛太聽話 ( 因可以推 job )

咦，一個磚頭可以壓死上萬件，街上隨手執都得！唯一條件 ---- 肯露 ----

讀書唔成，胸大冇腦，肢體健全稍微好樣嘅少女！

在有人教吓擺 post ，影吓相，稍事性感 ( 基本上三點式、小背心，成日著啦 ) ，出來打個夢遊式白鴿轉，就有過萬蚊收！好過文員、 sales 仔，捱足一個先有 $ 6000 ？

但模啊模，請問你地幾耐先開一次工？或者幾耐冇收入？幾耐冇人照顧 ( 無啦啦有懵佬送上 $ )

請問呢份絕世好工，唔係教人 --- 好食懶飛，不勞而獲，恨做唔恨撈，你同我都曾經發夢嘅思想咩？

阿娘不是假道學，在此說教！希望香港傳媒，俾 d 道德教育，唔好再教育做懶人。香港回歸以來，早巳失去前港英時代，紳士淑士式教育！我們下一代巳是港中嘅港！

今次書展年青人，早於上星六 9 號風球去排隊！打死也不相信，他們支持偶像。真正目的係搶購轉手賺錢。問下呢班友仔，同佢父母飲茶有冇咁神心？

敬告廣大讀者：

多得2 兄弟成日攪攪震，罕有儲落 12 篇稿！攪度有 d 時事話，冇機會發洩。因此，大有機會見到 1 天出 2 篇，記得多多捧場 < 時事亂嗡 > ！

不肖子趙必富

豆豉媽好鍚豆豉，帶去返外婆屋企同 Ricky 哥哥 ( 同樣係史納莎 ) 玩！又叫 Ricky 教豆豉，如何係屋企去廁所，貼身照顧豆豉！

見到豆豉胸前長肉，毛色開始立立靚，各位好友不必擔心豆豉，他已是一個幸福小朋友。

豈料餅家個不肖子 --- 趙必富，竟偷偷下毒手？

 Biscuit 好似好乖坐係阿娘旁邊，趁 2 位貓狗媽傾得入神，詐詐諦諦行去同豆豉打招呼！

豆豉好有禮貌上前 say Hi 之際，Biscuit 出手奇快打左豆豉一貓掌。然後極速逃跑！

Curious：衰仔 Biscuit 真係曳，豆豉全程冇吠過一聲，又有兇細佬，典解要出手打佢？

PS：阿娘有新作 --- 評吓模

http://hk.myblog.yahoo.com/jw!W55_JceABRVRIR12V2OHkXfy/article?mid=31087

生日蛋糕下

阿娘：一早訂好個德國芝士蛋糕，等埋契媽、甘太一齊食。少爺發等吓有嘞！

生日禮物上

 7 月 22 日係 Curious 7 歲生日、Biscuit 只知係 2003 年 7 月出生，所以每年小兄弟同一日慶祝！

Biscuit：唔知今年嘅生日禮物係乜呢？

 2 位少爺仔，夠鐘拆禮物！

用緊嘅飲水機，潛水泵係藏係機身入面，長期俾水滲住！平時阿娘有做清潔，但係百密一梳。

Dad dad 偶然拆開個潛水泵，發現裏面藏有污積物，用棉花捧也不能清理乾淨，決定換機！

千挑萬選，阿娘揀中 Drinkwell 牌子。潛水泵外置機身，不必被水滲著，解決之前嘅問題。

何解冇生日蛋糕，今朝銀河系伯伯，送左日全蝕 cake 俾你地，仲唔夠咩！

想切蛋糕即睇下篇 ...... ( 今次連出 2 篇 blog )

http://hk.myblog.yahoo.com/jw!W55_JceABRVRIR12V2OHkXfy/article?mid=30960