顯示具有 時事亂嗡 標籤的文章。顯示所有文章

2013年6月25日星期二

餅餅受哂

Biscuit : 契媽話港女 4 比 1 港男 , 唔怪之得求爱大作賤嘅 Viven 叫人唔好同佢爭 Justin 做老公 ! 契媽又話而家 Table for 6 , 係俾 D 21 , 22 歲女仔配對 ! 競爭咁溵烈 , 看嚟生女嘅怪獸家長 , 囡囡一出世 , 就要溝掂隔離床 B 仔 , 隔離屋軒仔 , 同對面樓呀熹仔 ....

Biscuit : 阿娘好彩出世早十幾年 , 唔係我婆婆一定超擔心 ! 爸爸又話自己超好人 , 做左件大善事 , 多謝你囉 , 娶左又教出個怪獸貓奴 , 我地 2 兄弟受哂啦 !

2013年4月8日星期一

碼頭工潮 12 天

碼頭工潮踏入第 12 天 , 6 號貨櫃碼頭外 , 仍有 400 餘個工人 , 在外紥營 , 繼續示威抗議 !

星期六晚突然返泠 , 瞓街嘅工友經過連日天雨 , 衣被盡濕 , 係 FB 緊急呼籲籌集冬衣棉被 , 餅爸媽也有响應 , 送上冷帽及棉被 !

去到現場氣溫加大風 , 只有 13 度 , 地下仍濕 , 四面無遮無掩下索營 , 加上工人的妻兒聚在一起 , 係咁惡劣嘅環境下 , 仍堅持下去 , 令人動容 !

工會需然籌得 250 萬捐款 , 但指明用作支付工運期間工人嘅補助生活費 , 故此不能用捐款購買物資 , 目前工人嘅食物 , 食水等物資 , 亦開始要籌集 , 希望各界友好伸出援手 ! 有錢出錢 , 有力出力 , 亦可以出心 , 協助轉發工友最新消息 ....

https://www.facebook.com/home.php#!/pages/%E7%A2%BC%E9%A0%AD%E7%9A%84%E8%BE%9B%E9%85%B8/448585381847234?fref=ts

現時工運仍未有進展 , 勞工處 , 特區政府泠處理 , 除李卓人職工盟外嘅組織 , 專貴議員 , 肯站出嚟幫吓口 , 全部潛水 , 收口 ! 只有個別熱心市民 , 仍繼續關心工人 !

日子一天一天過 , 資方企硬唔願談判 , 以消耗戰方式看待工人 , 等工運自然瓦解 ? 貨運站工人 , 於高空工作 , 每更 24 小時工作 , 只有 $ 1370 , 期間大小也需高空處理 , 無食飯或休息時間 , 這一群工人 , 每天處理上千貨櫃 , 為香港人提供新鮮生果肉類 , 為中小企服務 , 現在被評為阻住香港貨運業發展嘅罪人 !

事件再拖下去 , 不想推測結果如何 ? 但希望大眾多思 , 我們可以做什麽 ?

2013年3月9日星期六

頂阿叻唔順

由阿叻哥打無記心口 , 親自監督介紹又做出品人嘅叻哥遊世界 , 真係超過癮 , 觀眾盡享邊鬧邊睇嘅樂趣 ! 九流視評餅師奶只俾 2 個字 ---- 銅臭 .....

叻哥介紹嘅地方 , 如果你唔係超上等有錢人 ( d $ 多到數唔哂 ) , 或者明星政客 , 你都唔駛旨意入到去 , 如上海 2 億元豪宅個會所 , 私人飛機 , 七萬美金一公斤嘅燕窩山 ! 叻哥 , 你哂呢 d 只有得睇 , 冇得入嘅地方 , 對大眾嚟講係犯眾憎 ......

我地又要被迫 < 欣賞 > 埋 d , 了/78910線嘅演員歌星仔 , 加埋你 d 老到冇人記住嘅老友 , 豪無吸引力可言 , 有靚仔或靚女 , 至可以增加節目可觀性 ! ( 除杜拜朱港姐好少少外 )

好了 , 我再降低要求 , 講食物質素就更加揾老襯 , 沙巴果餐 6 萬一圍嘅燕窩 , 都係坐係大排檔 , 用白色膠碗仔食 ? 如果有人俾 6 皮野果個 , 唔係白痴一定係蠢到加零一 , 咁都俾 ?

阿鄺美人果隻 , 萬八蚊嘅填鴨餐 , 除了魚子醬外 , 冇一樣係值咁嘅價錢 , 話俾人聽你係上海用18000 食 d 咁菜色 , 又聽俾人笑啦 !

再講食環境 , 大陸 d 裝修平係人都知 , 求其埋 d 懷舊景抄 2 抄 , 粵語長片都得 , 設計師費都慳番 , 總之昏昏暗暗 , 黃黃地就叫做靚 , 或者幫襯大陸式宮庭傢俬 , 一樣叫做 --- 豪架 !

到阿倫伯嘅北京 , 實在唔知想表達 d 乜 ? 蒙古全羊宴一萬 , 唔知食左乜 ? 皇帝宴講果 d 古仔 , 食 3 樣炸野 , 夾 d 魚翅鮑魚落舊魚度 , 又收萬八 , 呢 d 生意超易賺 , 本少利大 , 各位信阿叻嘅朋友 , 照版煮碗食番一轉 , 我做老板打番個 6 折又點話 ?

輪到食相 , 飲食節目觀眾主要看主持反應 , 才知係咪好食 ! Sorry 呀 , 叻哥對食物質素好有要求 , 睇咁多集 , 佢不止冇表態話好食 , 兼且有踐踏之嫌 ! 講到主持同嘉賓嘅食相 , 唉以佢地今時今日嘅身家 , 何以冇發財立品 , 顧吓 d 儀態 , 而唔係一副狼樣 !

整體而言 , 節目製作好求其 , 邊度有 friend 唔駛錢就去拍 , 急就章冇主題冇意識 , 叻哥又話唔恨 $ , 收咁大筆製作費 , 有 d 誠意好喎 ..... 不如去 FB 睇吓小狗俊介好過 .....

2013年2月23日星期六

玩李生玩著市民

忍唔住係到 FxxK 梁振英個 X 家富貴 , 咪蝦我餅師奶唔識 , 加印花稅 , 減按揭成數 , 呢 D 咁嘅招 , 即係點樣 ?

加重窮人中產. 換樓客上樓成本 , 叫我地唔好買又唔好賣 , 樓市晤升又晤跌 , d $ 最好攞哂去炒股票 , 才能擴通脤補住微小嘅身家 , 益哂 CY 集團 d 幕後老細 !

呢 2 條屎橋出嚟真正原因 , 睇穿了咪又係發呀李嘉誠爛渣 , 旨在玩吓佢 d 大客仔 , 加重炒家投資成本 , 令佢地唔炒個市冇人買咪自己跌 , 低能 !

自從上次加 15 % 印花稅 , 本港 d 夾 $ 供樓炒樓 C 奶退埸唔玩 , 剩低果班揸 Cash 實力型炒家同大陸佬 , 一筆過俾轉炒為租呀 , 白痴都知有咁嘅結果 ....

中產家庭月入 5 萬 , 用 68 % 供樓 , 得 $ 16000 駛費 , 扣水電媒管理費地租差餉 3000 , 2 公婆各自得 $ 6500 一個月零用 , 返工食飯搭車煮飯醫療娛樂靠哂佢 , 僅僅夠 ! 想生仔揸車仔 , 難上難 .......

講到買樓首期仲勞氣 , 洪水橋 d 樓都拿埋 350 萬 , 叫後生仔自己儲首期等幾時 , 靠父母咩 , 為供樓要節衣縮食冇娛樂 , 新一代人都唔制 !

何況要有份 2 萬以上而又穩定嘅工作 , 談何容易 , 要保祐老細生性 , 做好自己業務 , 唔好去炒樓炒股市 , 唔係一旦 30 年供樓期內失業 , 就 .....

香港樓市 , 鍾意就出吓招 , 改吓例 , 玩吓地產佬 , 咁多不明朗嘅變數 , 我呢個西九師奶 , 鄭重勸人三思而後行 , 唔好入市 , 冇樓咪租樓 , 你攞供樓成本份 $ 去租樓 , 巳經有好多選擇 , 租平過供 ! 除非你完全唔介意樓市升跌 !!

2012年11月19日星期一

世界上最下賤的人

Biscuit : 好囉 , 天有眼 , 拉左班衰人 !

阿娘星期五巳睇左張相 , 唔開心左 3 日 , 點解仍有 d 咁無恥低下嘅人 , 虐待無知嘅小貓 ! 那張血的控訴 , 令勇嘅人類 , 為這群唔識講嘅弱小發聲 ! Facebook 瘋傳 , 頭版也登上 ..

迫使警察不得不行動去拉人 , 成街 CCTV , 一定有證有據控告呢群無膽人 , 又唔見佢地有吉士出油尖旺打 d 古惑仔 ? 難道天真的不祐小街貓 ?

今次小街貓雖然慘死 ( SPCA 用安樂死 ) , 但小貓遭遇換來大眾目光 , 使政府重視虐待動物案件 , 小貓積福 , 希望他早日投胎做人 ..... 死得更有價值 !

Curious : 我祈足 3 晚 , 班無恥嘅人俾警察捉左 , 先至安樂 ! 而家改左例 , 虐待動物最高係 10 年 , 大家祈疇給衰人最高刑罰 !
http://hk.news.yahoo.com/video/%E8%AD%A6%E6%8B%98-%E5%B0%8D%E7%94%B7%E5%A5%B3%E7%96%91%E6%B6%89%E7%A7%80%E8%8C%82%E5%9D%AA%E8%99%90%E8%B2%93%E6%A1%88-100049552.html

2012年9月5日星期三

港貓教育

Curious 大少爺成 10 點啦 , 好起身唱國歌至感激流淚 ?

Curious : 港貓手冊第一條 --- 爹親娘親 , 不及毛毛床親 , 我受哂架 !

Biscuit 以後每餐食飯前 , 都要高呼感謝國家 , 黨 , 主席萬歲 !

Biscuit : 未講完 , 我就食哂 , 信果套叫都白痴 !

Curious : 細路仔心水好清 , 梗係信屋企個米飯班主 !
而家仲會信 d 被洗腦嘅老師咩 ?

2012年8月11日星期六

無恥大話精

Curious : 今日我要望真 d !

Curious : 厚顏波當左我地係傻仔白痴 ! 博懵放大假 , 扮冇事想返工 ?

疑點

! ) 大話厚顏波大咀角單位得 4 百呎 , 間左 3 間佢話嘅木版房 , 連 2 個籠屋床位 , 咁嘅間格改動 , 有冇入則 ? 通過防火條例 ? 主力牆有否被拆 ? 試想分屍咁分嘅屋 , 同劏房有何分別 ?

2 ) 波叔 98 年聲大大接受傳媒訪問 ? 教人投資幾十萬買舊 , 再用三幾萬裝修 , 回報率多於 10 厘 ?
試想 , 如不是經營劏房 or 木版房 , 你有咁高嘅租金回報 !

死不認錯 , 企硬唔落台 , 係梁班子未來五年施政重點 , 每日打開新聞 , 就要俾市民批評一番 , 因為撑係梁振英最叻嘅處事方法 , 蟻民只能看連續真人 show , 日日見政官大鬥法 , 好戲過 TVB ...

2012年6月26日星期二

回歸 15 年 , 請好好計劃

自認港英遺孤者 : 15 年可以變成點咩 ?

生個仔女 ( 變了 15 歲少年 ) , 供一份保險 ( 十年後可取回本金 ) , 股海樓市上博一博 ( 叻嘅可上岸唔駛做 ) ,

做生意 ( 個人感受唔執笠好叻 ) , 整容 ( 打了防腐劑 , 塊面已成硬膠 ) , 進修 ( 保住份工最佳方法 ) !

如果呢 15 年嚟 , 你選擇乜都唔去做 , 只原地踏步 , 降職減人工一定有份 !

日日谷住 d 怨氣向邊度發洩 ? 咪又係賴人賴政府 , 有冇檢討過自己唔長進 , 唔發奮 !

假如 97 年你係 20 出頭 , 有付出過 , 怎能是落後於他人 , 怨冇樓冇合理人工 ?

個人認為 97 後沒有認真嘅人 , 得到一肚怨氣是不值可憐 !

那些所謂怨氣 , 咪係政棍政客嘅宣傳屎橋 ,

如果因此而投他一票 , 那正中下懷 , 反映自己何等軟弱 , 亳無分析力 !

政棍成日講爭取香港核心價值 , 香港式民主自由 , 試問港英時代 , 我們曾經享有過嗎 ?

1988 年立法會引入直選別制度 , 何曾平等過 , 咪一樣係舉手機器 ,

專貴嘅議員 , 係立法會上只有審議權 , 沒有制訂否決權 , 88 年至 2012 都係無變過 !

1967 年省港大暴動 , 那此警察是怎樣對付示威者 , 一棍一棍咁打壓 , 97 之後你有冇見過咁暴力嘅場面 !

回歸 15 年之後 , 香港有什麼變化 ?

變嘅係政棍那套西裝由 G 2000 , 變左 D & G , 佢講野你就投票 , 以為佢會幫到忙 ?

我只係知道香港每年綜援嘅支出 , 220 億 , 有份享用嘅人士 , 仲話唔夠 $ 午市去飲茶 ,

買部艾瘋俾仔女 ! 真正窮在那些自力更生 , 拒攞綜援又無公屋嘅五無 !

50 年代新移民脫貧嘅方法 , 就係勤力 , 日做工晚讀書上進一羣 ,

打幾份工供仔女讀書 , 超慳嘅一羣 !

今日嘅香港都有上述機會 , 只係香港嘅娛樂多元化 , 誘惑太多 ,

人嘅時間分配唔均 , 玩多過做 , 瞓覺少 , 機會又怎會輪到自己身上 ?

真正變而又值得我懷念 , 係香港人嘅身份象徵 , 變成亳無價值 ,

港燦不再係國女嘅首選 , 返到深圳唔可以用港仔 , 人地落嚟就歡迎人民幣 !

幸而香港獨有嘅法治精神 , 仍然健在 , 否則國際大商家唔嚟炒賣投資 ,

你估你果份仲保得住 , 唔將香港嘅資產谷到上 , 我地真係冇價值 , 冇地方企 ,

上海 , 新加坡成日想爭 , 唔係有個穩定嘅經濟基業 , 早巳落後過大西北 ,

經濟與民主一向對立 , 看歐豬國家 , 抝希臘脫離都用左 2 年都傾唔掂 ,

因為要平衡民主 , 就唔哂咁多野 ,

全球股市失哂方向 , 港股橫行 2 年 , 炒股唔炒市 , 否則粥水都無得分 ?

15 年馬照跑 , 舞照跳 , 你又少了邊一忽 ?

與其自怨自艾 , 怨社會唔俾機會 , 倒不如裝備自己 , 計劃人生黄金十年 !

80 90 後人生最需要發展嘅十年 , 係 25 至 35 歲 , 剛大學畢業 ,

有精力有創意 , 肯放低自我已優勝於他人 , 如果 25 歲仍唔開始起步 ,

他日就會落後排到隊尾 , 就算家中有 $ 任你駛 , 始終唔係自己手上抓回來 ,

咪即係失去揾錢能力 , 隊尾條龍仲有 d 阿公阿婆 , 好意思去爭咩 ?

70 60 未來 10 年 , 都要計劃準備退休方案 , 黄金十年係 40 -50 ,

如口冇一產供滿嘅樓 , 就要接受現實 , 晤好頂咀捱至退休 ,

又儲吓錢保值 , 唔好再想上樓 , 供到退休都計唔掂 ! 投資係穩健基金保通脹 ,

應該冇走雞 , 當然拿去玩牛熊仔 , 死路一條.....

40 , 50 後就要計劃享受人生 , 趁對腳仲有力 , 向四走動 ,

就同時間競賽 ! 盡看人生百態 , 旅行文化交流 , 回國做義工 , 又可身教下一代 !

各位你的 15 年計劃了嗎 ?

2012年6月17日星期日

睇波學做人

Biscuit : 齋睇唔賭波 , 陪阿娘捱夜好冇癮 .....

Biscuit : 毫無剌溵 , 悶到恰眼瞓 .......

Biscuit : 阿娘又唔通氣 , 拍醒叫我睇入波 ?

Biscuit : 阿娘話要學人有國家精神 , 為國爭光為榮 !

Biscuit : 最重要係一隊球隊嘅合作精神 , 失球不放棄 , 得球不驕傲 ,
永不言敗 .... 講左咁多廢話 , 乜 80 90 後會明嗎 ?

2012年6月15日星期五

世界變 -- C 9 估波

Biscuit 今晚咁乖咁早覺豬 ?

Curious : 爹爹冇攞我地 d 家用買波 , 所以安心瞓得著 !

Biscuit : 爹爹話意大利佬多假波 , 决定唔買 ! 仲叫我 2 兄弟早 d 瞓 !

Biscuit : 不過阿娘同爹爹私片買打和 , 因為意大利佬等 $ 駛 ! 要打和通殺 !

Biscuit : 阿娘梗係嬴左 , 而家要等爹爹起身俾 $ !

2012年6月14日星期四

落重注邊個最緊張

Biscuit , Curious 2 兄弟 , 零晨 3 點仲唔覺豬 ?

Biscuit : 好緊張今場荷蘭 vs 德國 ...

Curious : 我地趙家捧開德國 , 一定鼎力支持 ! 爹爹買重 4位數 , 我驚罐罐凍過水 ! 所以晤敢瞓 !

咁全屋最應該要睇比賽果位呢 ?
( 最唔捱得夜果位 , 應該係咩野心情 )

吹脹 , 晤理唔理又俾德國上半場入 2 球 !

Curious : 咁廳日有餸加啦 !

Curious : 唔係喎食宵夜再幫德國打氣 !

2012年6月10日星期日

趙家的男人

當全球男人熱刺關注 , 捱夜觀賞歐國盃 .....

你家個男人去左酒吧 , 卡拉 OK , 麻雀館 , 茶餐廳 , 人地屋企 , 自己屋企波飲酒食花生之際 ...

趙家嘅男人做緊乜 ?
Curious : 薯 , 細聲 d 個 TV ....

咁平時夜瞓又好動嘅趙餅餅呢 ?
Biscuit : 俾人仆暈左有排唔醒 ! 早點先叫我 !

輪到全家最大祈望嘅趙餅爸 ?
ZZZZZzzzzzzzzzz ............ OOOOOOO ....vvvvvv

原來一家四口 , 得一個開住 TV  look 波仔 ,
果個屋然係阿娘 !

人地皮家幾齊心 , 連孖女陳皮果皮都出籠外捧場 !