天線尾

Biscuit 不時，整招新花臣搶鏡！又係餅餅做主角。

睇水貓

阿娘每次沖涼前，例必放熱水！開水喉數 5 聲，就會見到呢個場面？

 

大少爺 Curious ，好盡責即使明明瞓左，總之聽見水聲，一定標出嚟睇水！

 Curious 會坐定，等阿娘沖完涼先走。但 Dad dad 沖涼就冇咁嘅待遇，點解呢？

貓也要蒸面

Biscuit 終於對放濕機，有所行動，0 距離接觸！

Biscuit ：原來呢個係仙泉，用來蒸貓面架？

 

研究左 3 日，餅餅真係似個人仔，好有耐性找出答案！之後  Biscuit 不再同放濕機玩了。

金融海嘯！

美國一獲撓起嘅金融海嘯，深不見底！ 7 大國罕見地聯手救市，支撑全球經濟秩序，但出幾多千億美金，都俾大鱷吞哂。事件仍未露半點署光！

美國經濟失控，中國出口訂單減少，連鎖反應下，預見明年，通縮、高失業率、倒閉潮、資產貶值，將重臨 98 至 03 年嘅困局！

阿娘：咁你地明白，點解要慳啦，迎戰全球大蕭條。未來一年，唔會買新床新屋、新衫、新玩具。

Curious：細佬而家玩污衣籃，我又有 Dad dad 私家玩具槍，冇乜影響！

Biscuit：好彩啱啱買左間新屋，除左伙食之外，都冇額外要求！

Curious：係喎？Almo n 罐罐會唔會減架？

阿娘： Almo 不變，等你地身體好 d ，減少醫療支出。罐罐份量就要減半！零食唔再買，冇魷魚、魚扒、脆脆粒。

阿娘：冬天會減少開暖風機、暖床，慳番 d 電費！Curious 身子弱，著多 2 件衫瞓！

阿娘：雖然冇買股票、基金、保險，層樓又係沙士價，即使係咁，也不能獨善其身？總有 d 野會殺到埋身？應作出心理預備。

美國 1929 年大蕭條，到 1945 第二次世界大戰結束，才能康復。今次金融海嘯，時間幾耐無人知曉！目前 7 國聯合方案是否有效，仍是未知之數。

美國推行千種金融賭博方法，銀行與投資銀行之間，拖欠嘅賬目抖纏不清。攪到各國中央銀行救市，公理何在？愈去研究這個題目，認識愈多，令人愈是心寒！

最憎手指指

Dad dad 日頭手指一指， Curious 識扮中槍。http://hk.myblog.yahoo.com/jw!W55_JceABRVRIR12V2OHkXfy/article?mid=18957

但夜晚指，就烏雅咁駁咀！see 以下短片的分別。

( 留意短片頭段，發少叫聲，同平時唔一樣 )

 

Curious： Dad  dad 好番 d ，就用槍指住我個頭，唔鬧佢都對唔住自己！

睇到個分別，唔明少爺仔，點解識分日與夜？

 

再遇放濕機

經過一晚嘅研究，Biscuit 終於鼓起勇氣，走埋去攪部放濕機？

 

Biscuit：都係齋睇會安全 d ？

發少搶鏡

Curious：呢輪餅餅古靈精怪，搶哂粉絲嘅目光。本少爺係時候發威嘞？

各位觀眾，俾 d 掌聲，少爺仔表演平衡電視？

Biscuit：哥哥出絕招，點夠佢搶粉絲喎？借問聲，呢招叫乜名堂？

Curious：程菲跳 ........

阿娘：玩夠未？係咪要整爛個電視，至安樂呀！